Feeds:
Postime
Komente

Archive for Mars, 2008

Albanologu Robert Elsie para disa muajve hapi faqen e internetit albanianphotography.net ku ai ka prezantuar disa koleksione me fotografi të vjetra nga trojet shqiptare. Deri më tani janë publikuar tri koleksione: kolekcioni i Maksimilian Lambercit, Franc Nopçës dhe Bajazid Dodës.

Muaj më parë Elsie edhe nxori librin ” Dritëshkronja, Fotografia e hershme nga Shqipëria dhe Ballkani” që është në shqip dhe anglisht.

Në parathënien e librit Elsie shkruan: ” Dritëshkronja, kjo fjalë e bukur shqipe u përdor për herë të parë në shekullin e nëntëmbëdhjetë. Me kalimin e kohës ajo u zëvendësua me fjalën ndërkombëtare fotografia. Këtu po e ringjallim një herë për të krijuar një lidhje midis fotografisë së hershme dhe Shqipërisë së shekullit të nëntëmbëdhjetë dhe të fillimit të shekullit të njëzetë.”

Më poshtë po sjellim disa foto nga kolekcionet e lartpermendura.

nopcsa.jpg

nopcsa2.jpg

nopcsa4.jpg

nopcsa5.jpg
nopcsa3.jpg

(1) Nopça me veshje shqiptare
(2) Meshkuj shqiptar afër Tropojës
(3) Refugjat nga Gjakova në Shkodër, viti 1913
(4) Meshkuj shqiptar
(5) Kalaja e Prizrenit

Të gjitha fotot bërë nga Franc Nopça

Read Full Post »

Flamuri i KosovësQeveria e Kosovës në mbledhjen e rregullt mori vendim që të përshpejtohet procedura e nxjerrjes së dokumenteve të reja të udhëtimit në përputhje me statusin e ri të Kosovës si shtet i pavarur dhe sovran si dhe miratoi disenjin e pasaportës.

Kryeministri i Kosovës, Hashim Thaçi kërkoi nga Ministri i Punëve të Brendshme që kjo çështje të procedohet dhe menjëherë pas përfundimit të fazës tranzitore, qytetarët e Kosovës kudo që jetojnë, t’i kenë dokumentet e tyre shtetërore.

(më tepër…)

Read Full Post »

“Dalja e PDSH-së nga Qeveria është çështje orësh dhe kjo është punë e kryer. Unë sonte do të dal me propozim para kryesisë qendrore dhe besoj se propozimi im për dalje nga Qeveria do të pranohet”, deklaroi të mërkurën kryetari i PDSH-së, Menduh Thaçi pas takimit një orësh që pati me përfaqësues të ambasadës amerikane në Shkup.

Arsyet për daljen e PDSH-së nga Qeveria janë gjashtë kërkesat e Thaçit të cilat kryeministri Nikolla Gruevski i ka refuzuar. “Heshtja e kryeministrit nënkupton se ai nuk ka ndërmend që t’i pranojë kërkesat tona”, potencoi Thaçi. Sipas tij, në institucionet qeveritare vërehet një joseriozitet i funksionimit të tyre në këto momente të rëndësishme dhe historike për Maqedoninë. “Unë dhe partia ime nuk do të dëshironim që ne të jemi pjesë e kësaj qeverie. Kam bindjen e thellë se organet e partisë do ta mbështesin këtë qëndrim”, u shpreh kreu i PDSH-së.

(më tepër…)

Read Full Post »

Embrio njeriu, java e 20-të e shtatzënisë

Kushtetuta e Kosovës që pritet të miratohet brenda disa javëve nuk përmban asnjë kufizim se sa muaj pas shtatzënisë femrat munden të bëjnë abort.

Sipas nenit 25 e drejta për jetë gëzohet nga lindja dhe jo nga moment kur femra mbetet shtatzënë. Ky nen së bashku me nenin 26 e bënë të mundshëm abortin deri në muajin e nëntë pasi që foshnjat e palindura në bazë të këtyre neneve nuk do të kenë të drejt jete.

Me të lexuar për këto propozime radikale shumë organizata në botën perëndimore, posaçërisht ato katolike, kanë reaguar duke e konsideruar këtë të papranueshëm dhe kërkuar ndryshimet e nevojshme që do të kufizonin të drejtën e femrës për të abortuar foshnjën e palindur.

(më tepër…)

Read Full Post »

Çka u vyen serbëve Kosova?

Aleksandar Tijanić, i lindur në Gjakovë, është gazetar serb dhe tani drejtor i RTS (Radio Televizionit të Serbisë)

Fjala më e shtrenjtë serbe – Kosova – përfundimisht mori çmimin. Asgjë tragjike. Ta shitesh atë që veç është në pronësi të tjetërkujt, është vetëm fakt i rritjes së kombit. Së këndejmi, dikur kam besuar se humbja e Kosovës për çdo serb paraqet kastrimin simbolik. Cili serb do të pranonte t’ia shkoqësh koqet? Sot i shoh në radhë para peshores.

Rrinë serbët duke mbajtur në duar veshkat e bardha. Pyesin për çmimin. Kurse kur gjithçka dhe secili në Serbi ka çmim, asgjë dhe askush nuk ka vlerë. Nuk është tamam kështu. Ia vlen të shitet Kosova. Dy janë arsyet. E para, bota do stabilitet në Ballkan, tash dhe menjëherë, edhe pse nuk e di qysh. Kështu që secila ofertë kompenzuese do të jetë më e keqe për ne. E dyta, serbët masovikisht rrejnë se e duan Kosovën. Po të ishte ajo vërtet “piemont” i serbizimit, “tokë e shenjtë serbe”, “djep” i Europës, “më e shtrenjta” fjalë serbe – serbët nuk do të shkonin gjysmë shekulli nga Kosova. Jo vetëm që e kanë braktisur, veç rrum njëmijë sish, nga disa qindra mija, ishin kthyer gjatë tërë decenies së snobizmit të zjarrtë. Jo vetëm që nuk dëshironin të ktheheshin, por pas luftës 100 ditësh, kjo ushtri serbe dhe kjo polici serbe, të vetmet në histori e kanë lënë Kosovën duke kënduar, duke treguar tre gishta dhe duke mos e fshehur gëzimin që po shkojnë dhe që janë gjallë. Kanë qarë vetëm ata që kanë lënë shtëpinë, pasurinë dhe varret. As ata s’kanë qarë për manastiret, as për Car Lazarin dhe Gazimestanin. Sikur në Knin, askush nuk refuzoi urdhrin për tërheqje, askush nuk mbeti në Kosovë që të vdiste për politikën e rrenës, të mashtrimit dhe halucinacioneve të fakirëve të nacionalistëve të shthurur, të njerëzve të pamoralshëm dhe langonjve. Racionale. Madje, trimëruese.

(më tepër…)

Read Full Post »

Ilustrim

Kryesia e Kuvendit të Kosovës me kërkesë të Presidentit dhe Kryeministrit ka marrë vendim që nesër ta shpallë konkursin për himnin e shtetit të Kosovës.

Kjo u bë e ditur pas mbledhjes së rregullt të Kryesisë së Kuvendit ku është caktuar rendi i ditës për seancën e të premtes.

“Ne kemi një kërkesë nga Presidenti dhe Kryeministri për të shpallë konkursin, por me përkrahjen e komisionit për simbolet sot duhet t’i definojmë disa çështje dhe nesër Kryesia e Kuvendit do të marrë vendim për ta shpallë konkursin për himn”, theksoi Kryetari i Kuvendit të Kosovës, Jakup Krasniqi. Ndërkaq për ligjet që dalin nga pakoja e Ahtisarit të cilat qeveria e Kosovës i ka miratuar mbledhjen e fundit, kryeparlamentari Krasniqi u shpreh se nëse ato arrijnë në Kuvendi brenda ditës, mund të miratohen në procedur të përshpejtuar të mërkurën dhe të enjten.

“Ligjet që dalin nga pakoja e Ahtisarit nëse vijnë nesër, ato do të shkojnë në procedura të përshpejtuara siç i kemi miratuar më herët”, tha Kraniqi. Ai tha se ligjet e pakos së Ahtisarit nuk hyjnë në fuqi pas shkuarjes së UNMIK ut, por ato hyjnë në fuqi pas miratimit të Kushtetutës së ardhshme të Kosovës që pritet të miratohet brenda muajit.

Në seancën e radhës që do të mbahet të premten, deputetët do të shqyrtojnë dhe miratojnë plotësimin e komisionit të medieve me dy anëtarë, pastaj miratimin e komisionit për regjistrimin e popullsisë, regjistrimin e banesave, emërimin e drejtorit të Bankës së Qendrore të Kosovës si dhe rekomandimi Komisionit për Buxhet dhe Financa për raportin e organit rregullativ të prokurimit publik, rekomandimin e e Komisoinit për Buxhet dhe Financa për ndarjen e mjeteve për financimin e partive politike të përfaqësuara në Kuvend etj.

QIK

Read Full Post »

Pllaka në pikën kufitare me Serbinë, Merdare

Kryeministri i Qeverisë së Republikës së Kosovës, Hashim Thaçi, i shoqëruar nga ministri i Shërbimeve Publike Arsim Bajrami dhe zëvendësministri Rifat Blaku, sot solemnisht ka zbuluar tabelën me mbishkrimin ” Mirë se vini në Republikën e Kosovës”, në pikën kufitare Kosovë – Serbi, në Merdare.

Zyra e Kryeministrit të Kosovës (foto)

Read Full Post »

Në Ditën Ndërkombëtare të Gruas po e sjellim këtë artikull shqetësues shkruar  nga Mandy Clark për Zërin e Amerikës.

——

Organizata e Kombeve të Bashkuara njofton se më shumë se 5 mijë gra dhe vajza në të gjithë botën vriten nga familjarët e tyre çdo vit në të ashtëquajturat “vrasje nderi.” Ky dënim u jepet zakonisht grave që dyshohen të kenë pasur marrëdhënie seksuale të papranueshme dhe që i kanë sjellë turp familjes. Vrasjet e nderit janë më të përhapura kryesisht në shoqëritë tradicionale në Lindjen e Mesme, Afrikën e Veriut dhe Azinë e Jugut. Por ato ndodhin edhe në perëndim.

(më tepër…)

Read Full Post »

Kanali televiziv nga Tirana, Top Channel, lexuesvë të faqës së internetit u shtroi pyetjen “Pavarësia e Kosovë, a e stabilizon Ballkanin?”. Siç edhe po e shihni më poshtë, 16 % e 7501 personave që kanë votuar mendojnë se pavarësia e Kosovës sjell destabilitet në Ballkan.
 “Pavarësia e Kosovë, a e stabilizon Ballkanin?”

Read Full Post »

Është një histori qindvjeçare. Një histori e dhimbshme kosovare, që mori fund. Kosovarët më në fund e krijuan shtetin e tyre me shumë, shumë… sakrifica. Dhe është shumë normale të festojnë dhe të gëzohen. Meritojnë festimin e tillë. Serbët janë të hidhëruar, mos të them të tërbuar në dhembjen e tyre, që e humbin Kosovën. Dhe më në fund, ishte koha ta humbin. Dhe serbët do të bëjnë çmos, që ta pengojnë zhvillimin e Kosovës si shtet.

Janë naivë ata që mendojnë se serbëve u duhet kohë, që t’i shërojnë plagët e humbjes. Ata e kanë krijuar një mentalitet të tyre megalomanie, kur bëhet fjalë për Kosovën. Serbët janë të humbur dhe të hutuar, në vlerësimet e tyre politike. Shpesh hesapet, s’dalin mirë në Pazar. Serbët s’e kanë llogaritur mirë procesin e globalizimit. Në propagandën e tyre qindvjeçare për Kosovën dhe kosovarët, si pronë e tyre, dhe kosovarët si një turmë e prapambetur, primitive që nuk mund të funksionojnë si shtet. Ky është fiksimi i tyre mental. Dhe ata i besojnë kësaj,me verbëri. Është problem i tyre.

(më tepër…)

Read Full Post »

Kosova drejt ndarjes?

Titulli është i redaksisë 

Për një popull që jeton keq dhe që nuk ka gjasa reale që në një kohë njerëzisht të afërt të tejkalojë rreziqet, kaosin dhe varfërinë, duket se nuk ka formulë më të mirë politike për të sunduar sesa promovimi dhe imponimi i optimizmit.

Këto gjera duket se i kanë ditur edhe ata që kanë themeluar dhe konsumuar religjionet. Por, evropianët e vjetër, të këndellur nga dogmat mistike totalitare të Lindjes, me shqelma e dëbuan Religjionin nga Institucionet e Shtetit. Kështu disi ndodhi që sundimi komod përmes optimizmit teleologjik të kthehej në qeverisje me përgjegjësi të mandatuar.

Por, ndërsa shohin shefat e shtetit të Serbisë tek vazhdojnë të dalin në mitingje me murgjit e Kishës Ortodokse të cilët i bekojnë ose mallkojnë politikanët e ndryshëm, as ne shqiptarët e Kosovës nuk kemi arsye të lavdërohemi se jemi në ndonjë shkallë më të avancuar civilizuese sesa ata. Tek ne, virusi i optimizmit religjioz është në thelb të koncepteve dhe praktikave mbizotëruese politike, të PDK-së ashtu sikur edhe të LDK-së.

Por, të gjetur në një situatë të pamundur, gjithçka që shohim se ndodh na tregon se Kosova nuk mund të mbijetojë pa atë lloj optimizmi religjioz. Dhe, në suaza të asaj mendësie, jashtë besimit nuk ekziston të thuash asgjë. Me një popullatë të dërmuar nga shtypja, gjakderdhja, dhuna e varfëria, me breza të rritur në situata anksioze ekstreme ekzistenciale, me gjasë duhet diçka më shumë se Realiteti.

Dhe, ja ku i kemi Thaçin e Sejdiun. Sikurse që kishim dikur Rugovën. Diskursi i optimizmit është po ai. “Nuk ka ndarje të Kosovës!” “Qeveria do ta ushtrojë pushtetin në gjithë territorin e Kosovës!” “Do t’i miratojmë të gjitha ligjet që duhet dhe do ta zbatojmë Pakon e Ahtisarit!” Pas pyetjes se a po copëtohet Kosova, dikush tash e përmendi se Kosova po hyn në një situatë të re të “konfliktit të ngrirë” brenda territorit te saj. Gjithësesi, Qeveria Thaçi nuk ka se si të mos e kuptojë se ajo që po shohim pas 17 Shkurtit është një proces i copëtimit faktik të Kosovës në baza etnike, si paralojë e modifikimit të Pakos së Ahtisarit, dhe atë në versionin më optimist të interpretimit të ngjarjeve. Por, duket se deklaratat e Nikollas Bërnsit dhe Piter Fejtit- se nuk do të ketë copëtim të Kosovës dhe se nuk do te ketë kanton serb, kanë mjaftuar që thuajse askush më të mos brengoset.

Në këtë situatë të krijuar, duket sikur Qeveria jonë, e gjetur plotësisht nën ombrellën e fuqive të Perëndimit, nuk ka asnjë farë punë me serbët e Kosovës. Por, përpjekjet serbe, me gjithë deklarata e qarta dhe pozitive të Bërnsit dhe Fejtit, aktualisht duken të pandalshme, përderisa shohim një tolerim të hapur të prezencës së gjithanshme të shtetit të Serbisë në gjitha anën e territorit të Kosovës. Prandaj besoj se roli i Qeverisë në rrethanat që po krijohen nuk mund te jetë vetëm ai i prodhimit të deklaratave optimiste, por edhe i presionit për aksion konkret. Ndryshe, me një ritëm të këtillë të zhvillimeve, në muajin maj, kur Serbia mban zgjedhje lokale, Kosova do t’i shohë zgjedhjet e saj në territorin e Kosovës së shpallur sovrane.

Dhe, nuk do te jetë çudi e madhe po qe se bashkësia ndërkombëtare sërish do të marr qëndrimin e njohur se as nuk i ndalon as nuk pengon ato. Por, kësaj radhe, konsekuencat do te ishin krejt tjera nga ato deri më tash. Në atë rast, ne do të kishim një legalizim të butë të sovranitet të dyfishtë në territorin e Republikës së Kosovës. Përpjekjet e qarta serbe për sovranitet të dyfishtë në Kosovë, dhe atë vetëm deri në një situatë të re historike kur ata do të mund te pretendonin marrjen e sovranitetit të plotë në Beograd, do të duhej të ishte pika që nuk do të duhej lejuar të kalohej.

Nënshkrimi pergamenës ka qenë punë e lehtë dhe plot kënaqësi, por, bërja e shtetit të Kosovës është, megjithatë, një proces që ende po vazhdon. Dhe, çfarëdo rrjedhe që të marrin ngjarjet në muajt e ardhshëm dhe çfarëdo qëndrimi që të marrë bashkësia ndërkombëtare para sfidës së rrezikshme serbe, Thaçi dhe Qeveria e tij megjithatë nuk mund të amnistojnë veten nga përgjegjësia historike që bie personalisht mbi ta, për vendimet e mira ose të këqija për paqen dhe mundësinë e zhvillimit të Kosovës së ardhshme.

Mufail Limani, Gazeta Express

Read Full Post »

Liga e Socialdemokratëve të Vojvodinës ka dënuar aksionin e një grupi qytetarësh, të cilët në Sombor ndajnë falas bukë në mënyrë që qytetarët të mos blejnë në furrat e bukës në pronësi të shqiptarëve.

“Gjesti i tillë mund të karakaterizohet si fashist, sepse të përkujton kohën kur patriotët e rremë gjermanë në vitet tridhjetë bojkotonin tregtarët çifutë, gjë që në fund përfundoi me hollokaust”, thuhet në një reagim të kësaj partie të Vojvodinës.

Ndërkaq, në një koment të gazetës “Politika” po në këtë temë, me titull “Vekna (buka) e turpit” theksohet se “ndarja falas e bukës, e cila turpëron të gjithë qytetarët e Somborit, që turpëron Vojvodinën dhe tërë Serbinë, po vazhdon çdo mëngjes gjithnjë deri më sot, por që askush nga komepetentët nuk e ka parë të nevojshme të bëjë diçka dhe nga mendja fodull e një numri të vogël të mbrojë fqinjët e tyre”. Por, ndërsa kjo farsë shoveniste po vazhdon prej dy javësh në Sombor, e cila është shoqëruar edhe me sulmet ndaj pronave të shqiptarëve, shefi i diplomacisë serbe Vuk Jeremiq dje ka folur në një mbledhje të Këshillit të drejtave të njeriut në Kombet e Bashkuara në Gjenevë për Vojvodinën si shembull kur respektohen të drejtat e njeriut dhe ato janë në nivelin më të lartë!

 Qendra për Informim e Kosovës

Read Full Post »

Gazeta britanike, The Guardian, i ka shtruar historianit britanik, Noel Malcolm, pyetjen “A është Kosova Serbi?”. Kjo është përgjigjja që Malcolm, autor i librit të famshëm “Kosovo – a short story” i dha kësaj gazete.

—–

Historia e serbëve filloi në fillim të shekullit të 7-të kur ata u vendosën në Ballkan. Baza e tyre ishte jashtë Kosovës, të cilën ata e pushtuan gjatë fillimit të shekullit të 13-të, kështu që pohimi “Kosova ishte djepi i serbëve” është i pavërtetë.

Ajo që është e vërtet është se ata e sunduan Kosovën për rreth 250 vjet deri kur osmanët arritën kontrollin e plotë gjatë mesit të shekullit të 15-të. Kishat dhe manastiret kanë mbetur nga ajo periudhë, por nuk ka më shumë vazhdimësi midis shtetit mesjetar serb dhe Serbisë së sotme se sa midis Perandorisë Bizantine dhe Greqisë.

Kosova ishte territor osman deri sa kur u pushtua nga forcat serbe në vitin 1912. Serbët thonë se ata e çliruan Kosovën por edhe vlerësimet e vetë serbëve tregojnë se popullata ortodokse serbe në këtë kohe ishte më pak se 25 %. Shumica e popullsisë ishte shqiptare, dhe nuk e mirëpritën sundimin serb, kështu që “pushtim” është fjala e drejtë.

Por ligjërisht Kosova nuk ishte e përfshirë në mbretërinë Serbisë në vitin 1912: ajo vazhdoi të ishte territor i okupuar deri pas 1918-ës. Atëherë Kosova më në fund u inkuadrua, jo në shtetin serb, por në Jugosllavi dhe përveç një ndërprerje gjatë luftës së dytë botërore ajo mbeti pjesë e Jugosllavisë deri në vitin 2006.

Deri në shkatërrimin e Jugosllavisë federale nga Millosheviqi, Kosova kishte status të dyfishtë. U quante pjesë e Serbisë por ishte gjithashtu pjesë e federatës. Statusi si pjesë e federatës mbizotëronte; Kosova kishte parlamentin dhe qeverinë e saj dhe ishte e përfaqësuar drejtpërsëdrejti në nivel federal sikurse edhe Serbia. Në të vërtet Kosova ishte njëra nga tetë njësitë përbërëse të sistemit federal.

Pothuajse të gjitha njësitë janë bërë të pavarura. Historikisht, pavarësia e Kosovës vetëm kompleton këtë proces. Për këtë shkak Kosova tani është një shtet ish-jugosllav, kështu do të thoshte secilido historian.

 Is Kosovo Serbia? We ask a historian, The Guardian, 26 shkurt 2008

Read Full Post »

Revista e re “Ekonomisti” që botohet në Kosovë në numrin e saj të fundit ka publikuar një intervistë me ish-kryeministrin e Kosovës dhe tani kryetarin e komunës së Mitrovicës, Bajram Rexhepi. Më poshtë po sjellim disa nga përgjigjjet e zotit Rexhepi dhënë revistës.

Ekonomisti: Meqë ju jetoni në fshatin Suhodoll që gjendet në veri të Mitrovicës, sa e ndieni veten të sigurt?

Rexhepi: Po unë e ndiej veten shumë të sigurt, por qytetarët kanë të drejtë të shqetësohen ndonjëherë. Kjo ndoshta është edhe për nga natyra ime, sepse jam i prirur që zakonisht t’i minimizoj këto ngjarje, të cilat të tjerët ndoshta mund t’i konsiderojnë shumë të mëdha.

Ekonomisti: Ju keni propozuar Mitrovicën me dy komuna. Kështu është konceptuar edhe në planin e Martti Ahtisaarit. A besoni ende se shpëtimi i vetëm për Mitrovicën është funksionimi i saj me dy komuna?

Rexhepi: Po ne një kohë të gjatë jemi munduar të gjejmë një zgjidhje për çështjen e Mitrovicës. Ky vend ka kaluar edhe nëpër neglizhencën e madhe nga ana e ndërkombëtarëve, por edhe tw vendorëve. UNMIK-u para ca ditësh ka pranuar se nuk është bërë sa duhet për çështjen e Mitrovicës. Natyrisht ka qenë i njohur edhe opsioni për ndarjen e pushtetit në Mitrovicë, i cili do t’i kënaqte disa aspirata të komunitetit serb. Por në anën tjetër mund të jetë një dhimbje për shqiptarët. Një sakrificë e tillë mendoj se realisht mund ta parandalonte ndarjen klasike të Mitrovicës dhe do të ishte një opsion i mirë krahas qëllimeve tona, sepse ne asnjëherë nuk u kemi ofruar diçka të tillë strukturave politike serbe për ndonjë marrëveshje eventuale lidhur me këtë çështje. Por gjithsesi parakushte për një gjë të tillë janë siguria e plotë, si dhe shpërbërja e strukturave paralele, sundimi i ligjit, lëvizja e lirë si dhe të mbrohet e drejta e pronës. Në këtë mënyrë ndoshta edhe do të mund të funksiononte ky koncept.

Ekonomisti: Çështja e shqiptarëve në veri është një problem më veti. Shumë prona janë shitur dhe njerëzit janë zhvendosur, por tash mund të ndryshohet situata dhe një pjesë e tyre mund të tentojë të kthehet. Si do ta zgjidhni këtë problem?

Rexhepi: Po natyrisht se plani ekziston. Përpara në pjesën veriore të Mitrovicës, më se 41 për qind e popullsisë ka qenë shqiptare, kurse të tjerët kanë qenë serbë dhe pakica tjera. Tash në këtë pjesë, shqiptarë e joserbë janë vetëm 15 për qind. Një pjesë e mirë e shqiptarëve i kanë pronat në atë pjesë dhe kompetent për këtë çështje është Agjensioni i Pronësisë. Gati të gjitha rastet janë të shqyrtuara dhe në proces tw implementimit. Kjo do të ndodhë, por natyrisht ky është një proces pak më i ngadalshëm, deri në kryerjen edhe tw disa formaliteteve rreth përfundimit të statusit dhe implementimit final të këtij projekti.Ekonomisti: A ka ndonjë statistikë se sa janë pronat e shitura të shqiptarëve në veriun e Mitrovicës?

Rexhepi: Nuk kemi statistika për këtë çështje, sepse kjo gjë ka qenë kompetencë e administratorit lokal. Ndoshta përafërsisht 20 apo 30 për qind të pronave janë shitur apo ndërruar në mënyrë konsensuale.

Të tërë intervistën mund ta lexoni ketu: Dhunës do t’i përgjigjemi me gjuhë të njejtë

Read Full Post »

Himara do te jete memece edhe sivjet.  Vizitoret nuk do te mund te informohen per plazhet, kishat e vjetra dhe monumentet e kultures.

Edhe kete vere, ne rruget qe te cojne per ne Himare do te jene vendosur vetem pak tabela rrugore, qe tregojne kthesat e rrezikshme dhe qendrat e banuara, si dhe parullat qe deftejne luften politike qe behet mes shqiptareve dhe grekeve ne kete zone. Ne fakt, ne Himare u instalua ne vjeshten e vitit te shkuar gjithe sinjalistika kulturore-turistike. Ne afersi te cdo plazhi, te cdo kishe te vjeter, keshtjelle apo siti arkeologjik, u vendosen tabela udherrefyese ne shqip dhe ne anglisht, me qellim qe t’u sherbenin turisteve vendas dhe te huaj. Por, pa mbaruar mire instalimi i sinjalistikes, Bashkia e Himares vendosi t’i shkule gjithe tabelat e vendosura nga Llogaraja deri ne Borsh.

Qe te ishin te denja per te qendruar ne rruget qe kalojne neper Himare, keto tabela na duhet te ishin shkruar edhe ne greqisht, ndaj bashkia veproi shpejt, edhe pse vendimi per vendosjen e tabelave ishte marre nga Drejtoria e Pergjithshme e Rrugeve (DPRRSH), qe eshte enti pronar i rrugeve kombetare.

Top Channel

Read Full Post »

Më 26 shkurt 2008, Ministri i Financave të Serbisë, z. Dinkiq ka deklaruar se Serbia duhet t’i ndalojë pagesat e borxheve të Kosovës, pasi që kjo e fundit e ka shpallur pavarësinë më 17 shkurt 2008. Qeveria e Serbisë do të vazhdojë ta diskutojë qëndrimin e saj rreth kësaj çështjeje. Sipas qeverisë së Serbisë, borxhi i supozuar është llogaritur të jetë rreth 1,264 miliardë dollarë amerikan. Çështja e borxhit dhe si duhet të zgjidhet ky problem është diskutuar në negociatat e fundit në mes të Prishtinës dhe Beogradit në procesin e udhëhequr nga Ahtisaari në Vjenë. Rreth gjysma e borxhit është ndaj Bankës Botërore, ndërsa gjysma tjetër është borxh ndaj Klubit të Parisit dhe atij të Londrës.

Ligjërisht, Kosova nuk është nënshkruese e këtyre kredive dhe si e tillë asnjë pjesë e borxhit nuk mund t’i transferohet automatikisht. Nënshkruese e borxhit ka qenë Republika Socialiste Federative e Jugosllavisë, dhe pasardhëset e saja, Republika Federative e Jugosllavisë, Serbia dhe Mali i Zi, si dhe në fund Serbia. Në aspektin ligjor, Qeveria e Serbisë është përgjegjëse për borxhin dhe çfarëdo ndalese e pagesës së borxhit pa marrëveshje me kreditorët dhe Republikën e Kosovës do të ketë pasoja vetëm për Serbinë. Megjithatë, autoritetet e Kosovës duhet të theksojnë përsëri gatishmërinë për të diskutuar këtë çështje.

Rekomandohet që sa i përket çështjes së borxheve, Qeveria e Kosovës t’i koordinojë politikat në bazë të parimeve në vijim:

1) Kosova duhet të shprehë gatishmërinë që të merr përsipër kthimin e kredive, që janë përdorur për projekte në Kosovë. Ekziston një numër i projekteve në Kosovë të cilat janë financuar nga këto kredi. Kosova nuk duhet ta mohojë këtë dhe në rrugën drejt zhvillimit të shtetit të qëndrueshëm dhe të respektueshëm, duhet të pranojë obligimin moral që të merr përsipër borxhet të cilat i takojnë asaj.

2) Kosova duhet t’i pranojë borxhet vetëm pasi të verifikojë se ato fonde janë investuar në Kosovë. Kjo mund të bëhet duke e verifikuar dokumentacionin origjinal të kredive që momentalisht gjendet në Beograd. Pasi që borxhi është ndaj shumë kreditorëve individual është joreale të pritet që ky informacion mund të mblidhet nga këto institucione. Kosova nuk duhet të marrë përgjegjësinë për çfarëdo pjese të borxhit në qoftë se nuk ka qasje në këtë dokumentacion.

3) Kosova duhet të jetë e gatshme të diskutojë me Beogradin çështjen e borxheve siç është paraparë në Planin e Ahtisarit. Ekzistojnë disa raste ku dy shtete të ndara kanë diskutuar çështje të sukcesionit. Gjithashtu, të gjitha shtetet e tjera të pavarura të ish-Jugosllavisë kanë negociuar ndarjet e pasurisë dhe borxheve. Rasti i fundit ishte pavarësimi i Malit të Zi. Në shumicën e rasteve, pasi që diskutimet përfshijnë edhe ndarjen e kredive të paalokuara, (kreditë e përgjithshme), marrëveshjet përfshijnë edhe ndarjen e pasurive të shtetit, si edhe çështje të tjera të pazgjedhura të ndarjes.

Këto parime sigurojnë që Kosova është gati që të diskutojë pasuritë dhe obligimet për t’i respektuar përgjegjësitë dhe obligimet e veta; dhe vepron në pajtueshmëri me parimet e Planit të Ahtisaarit duke mos i dëmtuar interesat e saja financiare.

Instituti për Studime të Avancuara – GAP

Read Full Post »

Trupat e Mbrojtjes së Kosovës 

Në kushtetutën që pritet të miratohet nga Kuvendi i Kosovës gjatë këtij muaji dhe që bazohet në planin e Martti Ahtisaari nuk parashihet që Kosova të ketë ushtrinë vet, por vetëm një force sigurie.

Neni 126 i projekt-kushtetutës që tani është e hapur për konsultime publike rregullon funksionimin e asaj që pas miratimit të kushtetutës do të ketë emrin “Forca e Sigurisë e Kosovës”.

Sipas këtij neni kjo force që do të shërbej si force kombëtare e sigurisë që ka për detyrë të mbroj qytetarët e Kosovës në raste krizash, largim të mjeteve shpërthyese dhe të ofroj mbrojtje civile.

Detyrat e përmendura në këtë nen janë të njëjtat detyra që deri më tani kanë pasur Trupat Mbrojtëse të Kosovës (TMK). Shumë kanë pritur që detyrat e TMK-së me krijimin e shtetit do të rriteshin dhe afroheshin detyrave që i kanë ushtritë e mirëfillta në shtet e pavarura por si duket TMK (FSK) do të duhet të pres edhe disa vite, ndoshta edhe dhjetëvjeçare për tu shëndruar në një ushtri të mirëfilltë.

Komandanti i FSK-së parashihet të emërohet nga Presidenti i Kosovës në bazë të rekomandimit nga Qeveria.

Fqinjët por edhe një pjesë e bashkësisë ndërkombëtare kanë frikë se një Kosovë e pavarur do të sjell probleme në vendet ballkanike ku shqiptarët janë minoritet. Kjo është reflektuar në planin e Ahtisaarit që pamundëson krijimin e një ushtrie të Kosovës. Kjo ushtri do të mundësonte mbrojtjen e territorit të Kosovës nga veti populli i Kosovës dhe jo nga paqeruajtësit ndërkombëtar.

Hartuesit e kushtetutës kanë thënë se pjesët e kushtetutës që bazohen në planin e Ahtisaarit vështirë që mund të ndryshohen kurse pjesët tjera janë të ndryshueshme por ndryshimet duhet të jenë të pranueshme nga p.sh. EULEX para se të miratohen.

Ky është artikulli i dytë nga një seri artikujsh që “molla kuqe” do të ju sjell lexuesve të saj në ditët në vijim për ti informuar me përmbajtjen e projekt-Kushtetutës së Kosovës që pritet të miratohet gjatë muajit mars.

Kushtetuta e Kosovës lejon martesat brenda gjinisë së njëjtë
Projekt Kushtetuta e Kosovës (neni 1-9) publikuar nga “molla kuqe”
Projekt Kushtetuta e Kosovës (lidhje e jashtme)

TMK(foto)

Read Full Post »

« Newer Posts