Mediat në Kosovë: Vështirësi të mëdha financiare, u nënshtrohet interesave të biznesit

 

Organizata Freedom House publikoi në Uashington raportin vjetor për lirinë e shtypit në botë.

Lidhur me Kosovën, raporti thotë se sistemi i liçensimit të mediave atje është i komplikuar dhe jo koherent. Gjatë vitit të kaluar ka patur njoftime për një numër incidentesh dhune dhe shumë herë gazetarët janë ankuar se nuk janë lejuar të shfrytëzojnë burimet e informacionit publik.Drejtuesit e Freedom House thanë dje në prezantimin e rezultateve të raportit, në muzeun e ri të shtypit Newseum se në shkallë botërore, gjendja e shtypit në vitin 2007 u keqësua, me rënien më të madhe në Evropën Lindore dhe ish vende të Bashkimit Sovjetik.

Raporti është hartuar për periudhën para se Kosova të bëhej e pavarur dhe Karin Deutch Karlekar, studiuese e organizatës Freedom House, thotë se ndoshta raporti i vitit të ardhshëm do të përfshijë një kapitull më vete për shtetin e ri.

Read Full Post »

Të shumëkërkuarit në Kosovë marrin azil në Mitrovicën veriore

I shumëkërkuari, Enver Sekiraqa, që dyshohet se ka lidhje me vrasjen e policit Triumf Riza, sipas gazetës Koha Ditore është parë duke pirë kafe në Mitrovicën veriore, pjesën e qytetit të Mitrovicës që dominohet nga serbët dhe kontrollohet nga banda serbe të financuara nga qerveria e Serbisë.

Madje Sekiraqa ishte i shoqëruar nga shumë serb, disa nga këta pjesëtar të Shërbimit Policor të Kosovës.

Triumf Riza që ishte pjesëtar i një njësiti special të SHPK-së, u vra me 30 gusht të vitit të kaluar në qendër të Prishtinës. Autor i vrasjes ishte Arben Berisha, por policia dhe të afërmit e Triumfit besojnë se vrasja ishte e porositur nga Enver Sekiraqa.

Në vitin 2006 në një nga kasinot e Prishtinës kishte një përleshje midis Rizës dhe Sekiraqës gjoja për shkak të këngëtares Adelina Ismajli. Pas kësaj Riza mbijetoj disa atentate deri kur u vra me 30 gusht të vitit 2007. Menjëherë pas vrasjes së Rizës policia bastisi kafenë ”Sekiraqa” në Prishtinë, pronë e Enver Sekiraqës dhe familjes së tij. Gjatë kësaj dite pati edhe bastisje të shtëpive të Enver Sekiraqës dhe me këtë rast u arrestuan babai dhe vëllai i Sekiraqës.

Në ditët pas vrasjes Sekiraqa nuk u shpall i kërkuar por policia e Kosovës ishte e interesuar që të intervistonte Sekiraqën por ai nuk ju përgjigj kërkesave të policisë.

Disa muaj më vonë u lëshua një urdhërarrest gjyqësor por policia e Kosovës ende nuk ka arritur të arrestoj Sekiraqën.

Read Full Post »

Racizëm ndaj Drenicës – Reagon Haxhiu ndaj shkrimit të Surroit

Haxhiu: Si është e mundur që një njëri të shkruajë me një gjuhë të pareformuar, me të cilën ai është atakuar? Athua se po i rri mirë kjo gjuhë e urrejtjes. Kjo gjuhë është me mëlmesa raciste e cila i drejtohet një regjioni.

Baton Haxhiu ka zgjedhur gazetën ku deri para disa muajve ishte kryeredaktor që t’i përgjigjet ish shefit dhe kolegut Veton Surroi.

Në numrin e sotëm të gazetës Express mund të lexohet pjesa e pare e intervistës dhënë gazetarit Jeton Musliu.

Më herët e kemi publikuar shkrimin e Surroit dhe tani për hire të paanësisë e ndjemë obligim që të publikojmë edhe përgjigjen e Haxhiut për shkrimin e Surroit.

Më poshtë po ribotojmë disa shkëputje nga kjo intervistë

Read Full Post »

Cili është “Nukaka” e cili “Kaka”: Baton Haxhiu apo Veton Surroi?

Shkruan: Bardhyl Metaj, Zürich

Rikthimi aktual i Veton Surroit publicistikës si profesion primar, përmes të përditshmes së tij Koha Ditore, ma kujtoi çuditërisht, hyrjen e tij si uragan në gazetarinë kosovare përmes të përditshmes së atëhershme, Rilindja…sado që atëherë ishte ardhje e vullnetshme në publicistikë, kurse tash, pak disi “e detyrueshme”, si alternativ e mbetur.

Një polemikë e tij për Rock-un dhe rock-erët, si vlera të pazëvendësueshme kulturore të qytetërimit modern, pastaj një fjalorë krejt tjetër në tekstet e shumta dhe shumë të guximshme politike, patën freskuar edhe Rilindjen” e atëhershme shumë konservative, apo të paktën, qasjen e lexuesit të saj karshi Rilindjes.

Ajo që në mua i lidhi, ndërkaq, turrin e parë të atëhershëm të tij në publicistikë me këtë të tashmin, janë fjalët e “reja” që “sjell e promovon” në tekstet e tij, si dhe dy recensione, një atëherë e një sot.

Atëherë në gazetën Rilindja (1988), në një kolumne të shkëlqyeshme, debatonte publikisht dhe me të drejtë, me shefin e tij, më duket Beqir Hotin, rreth arsyeshmërisë së përdorimit në shtyp, “të fjalës së huaj – Diskurs”!

Read Full Post »

Banor i Mitrovicës veriore: Në mëshirë të Zotit

Fatkeqësisht, për shqiptarët që jetojnë në Mitrovicën veriore , jeta atje të detyron të mbështetësh vetëm në mëshirën e Zotit.

Të jetosh në veriun e Mitrovicës do të thotë të bashkëjetosh me trysninë dhe ankthin
Trysni për ti braktisur pronat e tua , që për ty do të thotë , fëmijëria , kontributi , puna , ëndrra dhe jeta jote. Dhe në ankth nga ngacmimet apo sulmet e mundshme nga komuniteti serb që jeton në veri.

Në këto raste , kërkimi dhe ofrimi i ndihmës është thuajse e pamundur . Të pamundur ta bëjnë ata të cilët janë të destinuar të ta ofrojnë këtë ndihmë. Sepse në rastet kur ndihma është shumë e nevojshme , forcat e KFOR-it , o do jenë shumë larg , dhe deri sa ato të arrijnë ti “i lave duart”, ose shkurt e shqip ta thonë se përgjegjësia e sigurisë i takon shërbimit policorë.

Read Full Post »

Biletat në Prishtinë shtrenjtohen me 33 %, zyrtarët thonë kjo është simbolike

Sot lexova tek RTK-ja se biletat e autobusit për udhëtime brenda Prishtinës prej sot kushtojnë 40 eurocent. Çmimi deri më tani ishte 30 cent.  Qytetarët me të drejtë ankohen se rritja e çmimit do të rëndojë edhe më shumë buxhetin e tyre kurse zyrtarët (nuk shkruan se cilët, por me siguri ata komunal) përgjigjen se rritja është simbolike. Unë nuk e di se si e definojnë fjalën simbolike këta zyrtar por një rritje e çmimit prej 33,3 % pa marrë parasysh të ardhurat nuk mund të konsiderohet simbolike, posaçërisht në një vend të varfër si Kosova.

Molla e Kuqe

Read Full Post »

Surroi komenton ish bashkëpunëtorin Haxhiu dhe librin e tij “Lufta ndryshe”

Surroi për Haxhiun: “Pas 17 vjetësh ndjeva barrën e bashkëpërgjegjësisë; mosarritjen e të ndihmuarit për formësimin e një gazetari artikullshkrues, pas kaq shumë vjetësh bashkëpunimi me të.”

Surroi për librin e Haxhiut: A do të ishte historia ndryshe në “Luftën ndryshe” po të ishte ndryshe përbërja e Qeverisë së Kosovës, e kryeministër i saj të mos ishte Hashim Thaçi?

Read Full Post »

Nën hijen e « Vllazërim-Bashkimit ».

E vetmja rrugë e hapur për t’i bërë ballë problemit të pazgjidhur të zhvillimit ekonomik të Kosovës titiste si edhe pasojave të pashmangshme shoqërore mbetej kurbeti. Falë një marrëveshjeje të re të nënshkruar ndërmjet Federatës jugosllave dhe Turqisë, një numër i madh myslimanësh « u ftua » të merrte rrugën drejt vendit « të origjinës ». Burimet jozyrtare flasin për 246.000 myslimanë që braktisën Jugosllavinë ndërmjet viteve 1945 dhe 1966, mes të cilëve rreth 100.000 nga Kosova. Rregjistrimet e popullsisë të zhvilluara në 1948 dhe 1951 lejojnë të shihet një rritje e paparë e numrit të njerëzve që e deklarojnë vetvehten « turq » ; vetëm në Maqedoni, nga 95.940 të tillë të rregjistruar në vitin 1948, tre vjet më vonë numri i këtyre turqve të fshehur shkon në 203.000 vetë. Nuk është e vështirë të kuptohet se pjesa më e madhe e tyre s’ishin gjë tjetër veçse shqiptarë që e jetonin fort keq gjendjen e tyre prej pakice ose që s’mund të duronin më gjendjen e tyre edhe më të vështirë ekonomike. Diferenca e nuancës mes turqve « të gënjeshtërt » dhe shqiptarëve « të vërtetë » nuk duket të ketë shqetësuar tej mase administratën titiste pasi në sytë e saj si në njerin rast dhe në tjetrin bëhej fjalë për myslimanë të bindur. Ndërkohë, si pasojë e papunësisë të pashembullt prej 70% që prekte popullsinë me origjinë shqiptare të Kosovës, një numër ende më i madh zgjodhi kurbetin klasik me motive ekonomike, drejtimet tradicionale të të cilit ishin Gjermania dhe Zvicra (1). Pak nga pak, diaspora e bollshme perëndimore u bë një faktor i dorës së parë, së pari në rrafshin ekonomik dhe më pas në atë politik. Në origjinën e tyre, hyrjet e vazhdueshme dhe të rregullta të devizës së huaj të fortë shërbyen për të rrafshuar diferencën e ndjeshme të të ardhurave lokale në krahasim me republikat e tjera pasi qëllimi i tyre kryesor ishte pikërisht përmirësimi i jetesës së përditshme. Më tej në praktikën e zakonshme, markat gjermane dhe frangat zvicerane bënë që të zbulohen horizonte të reja, ai i shitoreve dhe i shërbimeve, ndërkohë që sasi të mëdha devize investoheshin drejt blerjes së tokave dhe në ndërtimin e shtëpive. Kjo gjë jo vetëm i dhuroi një shkallë më tepër lirie popullatës shqiptare lidhur me kompozanten serbe e cila duhej të organizonte jetën veç me anë të rrogave, por edhe dobësoi gjithnjë e më tepër vartësinë e saj nga pushteti qendror (2), duke thelluar diferencimin shoqëror dhe ekonomik. Kjo dikotomi ndërmjet trajektores ekonomike të imponuar nga pushteti me atë të zgjedhur prej grupit, mes logjikës shoqërore individuale dhe asaj bashkësiore – e kqyrur në kontekstin ku konceptet shumicë/pakicë ushqehen nga një paqartësi e natyrës ideologjike, shërben si terren i përshtashëm për kërkesa të ardhshme të natyrës politike.

Read Full Post »

Prokurori qe shoqeroi hetuesit e Hages hedh poshte akuzat e Del Pontes

Prokurori i Matit qe shoqeroi hetuesit e Hages ne fshatin Gurre per te cilin ish-prokurorja e Hages akuzon se kryheshin transplante ndaj serbeve, tregon sesi investigimi deshtoi pasi nuk u gjet asnje prove qe tregonte dhe elementin me te vogel te nje deshmie te tille.MAT-Vazhdon investigimi i Tv News24 per akuzat e renda te Karla Del Pontes per nje te ashtuquajtur burg te UCK-se ku u merreshin organet serbeve. Pas deshmive te te zoteve te shtepise te asaj qe Del Ponte e quan “shtepia e verdhe”, per here te pare flet prokurori i Matit, Arben Dyla qe shoqeroi hetuesit e huaj ardhur aty ne pranvere te 2004.

Read Full Post »

Edhe Kosova mund të mbaj zgjedhje në Luginë, ashtu si Serbia në Kosovë?

Gjon Keka

Mbajtja e zgjedhja serbe në Kosovë, do të thoshte një infiltrim i lehtë i pushtetit serb dhe administrimit të pakicës serbe nga qendra e politikës dhe nacionalizmit serb në Beograd. Kjo në një mënyrë do të thotë përzierje në punët e brendshme, të një shteti demokratik dhe të pavarur siç është Kosova pas 17 shkurtit 2008, gjithashtu edhe një forcim edhe më i madh i urrejtjes së politikës dhe mendje-ngushtësisë serbe për të shkaktuar dhe mbajtur peng, zhvillimin e demokracisë dhe ndërtimin e raporteve të shëndosha ndër-etnike.

Read Full Post »

Programi i qeverisë dhe diaspora kosovare

Këtë javë Qeveria e Kosovës publikoi programin për punën e saj gjatë viteve sa qeveria e Thaçit do të jetë në pushtet, deri në 2011.

Programi i plotë prej 27 faqesh mund të shkarkohet nga faqja jonë

Programi i Qeverise se Kosoves (pdf)

Këtu po e sjell vetëm një shkëputje që ka të bëjë me diasporën e Kosovës. Faqja jonë lexohet shumë nga diaspora kosovare që tani numëron mbi 500 000 dhe mendoj se bashkatdhetarëve nëpër botë që kanë dhënë dhe bërë shumë për Kosovën para dhe pas lufte, ju intereson të dinë se c’far do të bëjë kjo qeveri për ta. Kjo është qeveria e parë në Kosovën e pavarur dhe si shumë të tjerë edhe ata që tani banojnë dhe punojnë jashtë janë të interesuar të dinë se ç’far kujdesi do të tregoj Kosova e pavarur për shtetasit e saj që deri më tani duke mos pasur ku të drejtohen është dashur të ju drejtohen ambasadave serbe ku kanë hasur një përbuzje të theksuar.

Më poshtë mund të lexoni se c’far do të bëjë qeveria për diasporën kosovare: 

Republika e Kosovës ka një diasporë të fortë dhe numerikisht të madhe. Diaspora, mërgata, kosovarët jashtë vendit nuk janë shfrytëzuar institucionalisht – në formë të organizuar në të mirë të zhvillimit të shtetit të Kosovës. Kosovarët jashtë vendit presin që Qeveria e Kosovës të bëjë për ta atë që nuk është bërë asnjëherë deri me tash. Për një përkujdesje më të mirë dhe të qëndrueshme duhen larguar pengesat e shumta, ato të vogla dhe ata të mëdha. Detyrë primare e Qeverisë në përballje me sfidat drejt largimit të këtyre pengesave është krijimi i autoritetit të qëndrueshëm qeveritar, që do të merret me problemet e diasporës, gjithmonë në mbështetje të ligjit, mundësisht në përafrim me legjislacionin e BE-së.

Veprimet që qeveria e Kosovës do t’i ndërmarrë përfshijnë:

• Hartimi i projektligjit për diasporën dhe harmonizimi i plotë i tij me ligjet tjera të Republikës së Kosovës si dhe, zbatimi i tij,
• Krijimi i ambasadave, konsullatave, shoqatave për mbrojtjen e kosovarëve jashtë vendit,
• Përpjekjet diplomatike të Qeverisë Kosovare për mbrojtjen e kosovarëve jashtë vendit,
• Ngritja dhe bashkimi i komunitetit kosovar jashtë vendit,
• Krijimi i lehtësirave për nxjerrjen e dokumenteve të udhëtimit,
• Ruajtja dhe kultivimi i identitetit kulturor,
• Grumbullimi i të dhënave për Diasporën kosovare (si p.sh. vendndodhja e tyre, lidhjet e tyre me Kosovën, përgatitjet e tyre profesionale, bizneset e tyre),
• E drejta e votës,
• Informimi i kosovarëve jashtë vendit,
• Ngritja e kapaciteteve njerëzore profesionale.

Molla e Kuqe

Read Full Post »

Haga: Del Ponte nuk po e thotë të vërtetën

Akuzat e ish kryeprokurores së Tribunalit të Hagës, Carla Del Ponte, se shqiptarët e Kosovës kanë trafikuar organet e serbëve gjatë Luftës në Kosovë, janë të “papërgjegjshme dhe jodinjitoze”, tha ish bashkëpunëtorja e saj e afërt, Florence Hartmann.

Ajo më tutje i tha gazetës zvicerane Le Temps se Del Ponte kishte “prezantuar gjëra mbi të cilat ishte e pamundshme që me prova të krijoheshin faktet”.

Ndërkohë as Prokurorët e Tribunalit të Hagës për Krime të Luftës nuk kanë gjetur prova se shqiptarët e Kosovës kanë trafikuar organet e serbëve gjatë Luftës në Kosovë, tha sot zëdhënësja Olga Kavran.

“Zyra e prokurorit dhe Misioni i Kombeve të Bashkuara në Kosovë kanë zhvilluar hetime preliminare dhe kanë vizituar terrenin në veri të Shqipërisë, që ndërlidhet me akuzat”, tha zonja Kavran dhe shtoi se “përkundër këtyre përpjekjeve zyra e prokurorit nuk mundi t’i provojë akuzat e tilla dhe nuk ka bazë për vazhdim të mëtejmë sa i përket juridiksionit tonë”, ka thënë Kavran.

RTK

Read Full Post »

Kosovë mon amour (1) – Nën peshën e dhunës komuniste

Kush e pati në zemër,
trokiti gotën pêr Pavarërsinë e saj.
Po a e dimë se ç’Kalvar,
Ka jetuar për t’ju qasur kësaj dite ?

Fundi i Luftës së Dytë botërore në Kosovë pati shijen e hidhur të zhgënjimit dhe të disfatës. Fillimisht për faj të divizioneve partizane të Titos që çliruan provincën – kosovarët do të thonë që e pushtuan, të cilat ndoqën sipas të gjitha rregullave të artit ushtarak adeptët shqiptarë të Lidhjes së Dytë të Prizrenit si edhe guerriljet e vjetra ish-komuniste, që të gjithë besnikë të « Shqipërisë së Madhe » efemere. Ndërkohë që administrata e re vendosej në qytete dhe që instancat qeveritare përgatisnin statutin e provincës tashmë të gëlltitur, një kryengritje e vërtetë nën Shaban Polluzhën shpërtheu në fillim të vitit 1945 në zonën e Drenicës. Ndërmjet shkurtit dhe marsit 1945, luftimet bënë kërdinë mes kryengritësve dhe njësive të ushtrisë jugosllave, duke shkaktuar me mijra të vrarë mes « rrebelëve » dhe popullsisë civile (1). Megjithë bazën e saj të gjerë popullore, kryengritja i ngjante më tepër një akti të dëshpëruar të kosovarëve përballë kthimit të pashmangshëm në « ferrin serb » ndërkohë që Nëna Shqipëri tashmë nën kontrollin e komunistëve i kish braktisur në fatin e tyre të hidhur (2).

Read Full Post »

Padi për shpifje ndaj Del Pontes

Drejtori i Këshillit për Mbrojtjen e të Drejtave dhe Lirive të Njeriut (KMLDNJ) , Behxhet Shala, thotë se organizata e tij do të ngrenë padi për shpifje ndaj Carla Del Pontes.

Në librin e saj të fundit Del Ponte shkruan se ajo ka pasur të dhëna për trafik të organeve fill pas mbarimit të luftës së Kosovës. Sipas këtyre të dhënave shqiptar nga Kosova nën dijeninë e UÇK-së kishin rrëmbyer serb në Kosovë që më pas ishin transportuar për në Shqipëri. Atje këtyre serbëve u ishin marr organet që më pas janë shitur në shtete të ndryshme të botës.

Shala është i pakënaqur me mënyrën se si qeveria e Kosovës ka trajtuar këto akuza dhe kërkon që përpos KMLDNJ-ës edhe qeveria të ngre padi për shpifje ndaj Del Pontes. Kësaj kërkesa i bashkohet edhe partia opozitare AAK.

Zëvendës kryeministri i Kosovës, Hajredin Kuçi, thotë se qeveria e Kosovës nuk e ka ndërmend të merret me këto akuza apo ti përgjigjet letrës së Human Rights Watch kur kërkohet nga institucionet kosovare që të kryhet hetim që ka për qëllim zbardhjen e të vërtetës.

Dje Ministrja e Drejtësisë e Republikës së Kosovës, Nekibe Kelmendi u shpreh se akuzat për trafik organesh janë fabrikime të bëra nga Del Ponte apo vetë Serbia. Kelmendi por edhe aktivistja serbe e të drejtave të njeriut, Natasa Kandic, thonë se ato kanë takuar Del Ponte disa herë por ajo kurrë nuk ka përmendur atë ç’far shkruan në librin e saj.

Molla e Kuqe

Read Full Post »

Po zyrtarizohet ndarja

Titulli është i redaksisë, kurse shkrimi i mëposhtëm është marrë nga faqja e internetit e Lëvizjes Vetëvendosje.

Sipas informatave të siguruara nga persona brenda institucioneve, përfaqësues të institucioneve të Kosovës dhe UNMIK-ut tashmë i kanë filluar negociatat me Serbinë për thellimin dhe zyrtarizimin e ndarjes së brendshme të Kosovës. Aktualisht është duke u diskutuar ndarja e sistemit gjyqësor në dysh – pra që në Kosovë serbët, aty ku ata jetojnë, t’i kenë gjykatat e veta të ndara nga pjesa tjetër e vendit. Sipas të njëjtave burime këto negociata pastaj do të vazhdojnë edhe për prokurorinë, policinë etj. Sistemit arsimor dhe atij shëndetësor tashmë i janë legalizuar ndarjet me planin e Ahtisaarit dhe dokumentet tjera ligjore që rrjedhin prej tij (30 instant-ligjet dhe instant-kushtetuta).

Read Full Post »

Nekibe Kelmendi: Fabrikime të pastra nga Del Ponte, apo vetë Serbia

Ministrja e Drejtësisë e Kosovës, Nekibe Kelmendi i ka hedhur poshtë akuzat e ish kryeprokurores së Gjykatës së Hagës Carla Del Ponte.

“Këto janë fabrikime të pastra nga Del Ponte, apo vetë Serbia”, tha Kelmendi. “Kam pasur katër takime private me Carla Del Ponten dhe ajo asnjëherë nuk i ka ngritur këto akuza”.

Ministria që drejtohet nga Kelmendi ishte në listën e institucioneve që kanë marrë kërkesën për hetime nga Human Rights Watch.

Del Ponte, në librin e saj shkruan se 100-300 njerëz, shumica civilë serbë janë dërguar me kamiona nga Kosova në Burrel të Shqipërisë në qershor të 1999 nga ku një pjesë janë përdorur për trafik organesh.
Sipas Del Pontes anëtarë të lartë të ish Ushtrisë Çlirmitare të Kosovës ishin në dijeni të trafikut të organeve.

Radio Evropa e Lirë
Ministria e Drejtësisë (foto)

Read Full Post »

“Shqipëria – Një dashuri e re mesdhetare” në CNN (video)

Këto spote ku reklamohet turizmi shqiptar, po transmetohen nga kanali televiziv CNN.

Read Full Post »

Haradinaj: Kam folur me Millosheviqin

Ish-kryeministri i Kosoves, Ramush Haradinaj ne nje interviste ne emisionin “Top Story” ne Top Channel ka konfirmuar angazhimin e tij ne politike pas shpalljes i pafajshem nga gjykata e Hages.Haradinaj ka deklaruar se prania e tij nuk duhet te nervozoje askend, duke theksuar se nga mungesa e tij ka pasur persona qe kane perfituar politikisht.

“Askush nuk duhet te nervozohet nga prania ime. Me mire te kemi nje konkurrence dhe te ballafaqohemi ne menyre te drejte. Eshte e vertete qe gjate mungeses sime per tre vjet, konkurrentet politike i kane shfrytezuar hapesirat”, ka pohuar Haradinaj, i cili vlereson qeverine aktuale te Kosoves si te papershtatshme per situaten.

“Nuk eshte nje qeverisje e duhur per kete kohe”, ka theksuar ai. Me pas, i pyetur per reagimet e bera nga pala serbe pas shpalljes te pafajshem nga Haga, ai e ka cilesuar si dicka te natyrshme reagimin e Beogradit.

“Eshte e natyrshme qe palet armike pas luftes me arme te luftojne per opinion, per imazhin e keq te pales tjeter. Pala tjeter ka tentuar te vrase opinionisht mua dhe UCK-ne. Por une iu them atyre se Serbise dhe serbeve nuk u kam asnje borxh. Gjithashtu, qellimi yne ka qene i paster dhe lufta jone ka qene e paster”, ka thene Haradinaj, i cili ka rrefyer edhe ecurine e procesit gjyqesor, aq i perfolur per deshmitaret.

“Ekipi mbrojtes vertetoi gjate paraqitjes se akuzave se une jam i pafajshem. Persa i perkete deshmive mund te them se nje ndjenje armiqesore ekziston mes paleve, por ne kemi bere nje pune te mire si pale mbrojtese qe cdo deshmi te sillet para gjyqit”, eshte shprehur Haradinaj.

Ish-komandanti i UCK-se ka shtuar me tej se gjate qendrimit ne burgun e Hages ka pare edhe Milloshevicin, me te cilin ka shkembyer edhe batuta.

“E kam pare Milloshevicin ne 2005-en ne burgun e Hages. Ishte kenaqesi qe pash qe ai qe ka shkaktuar aq shume vuajtje te ndodhet aty. Ne nje bisede te pare, Milloshevici me pyeti “si po shkojne gjerat ne Kosove?” dhe une i thashe se evropianet po na ndihmojne te bejme nje shtet si te vetin. Ai u merzit”, ka pohuar Haradinaj.

Top Channel

Read Full Post »

Zyra Amerikane në Prishtinë bëhet Ambasadë Amerikane

Fjala e të Ngarkuarës me Punë, Tina Kaidanow, me rastin e Hapjes së Ambasadës së SHBA‐ve në Prishtinë, më 8 prill 2008

Z. president, z. kryeministër, kryetar i kuvendit Krasniqi, kryetar i komunës Mustafa, dhe anëtarë të stafit tim,

Ju faleminderit të gjithëve që keni ardhur sot për të ndarë me ne këtë moment shumë të rëndësishëm dhe emocionues. Si pasojë e statusit të ri të Kosovës si vend i pavarur, i njohur nga shumë prej kombeve më të fuqishme dhe më të përparuara të botës, na është dhënë leja nga Kongresi i SHBA‐ve për t’u hapur formalisht si Ambasadë e Shteteve të Bashkuara.

Gjersa Zyra e SHBA‐ve në Prishtinë ka funksionuar për shumë vite me të gjitha përgjegjësitë dhe detyrat e një misioni të zellshëm diplomatik, emërimi si ambasadë pasqyron një fazë të re në zhvillimin tonë dhe nënvizon përkushtimin tonë të thellë dhe të qëndrueshëm për të punuar për përparimin e Kosovës dhe popullit të saj.

Read Full Post »

Zvicra ndalon promovimin e librit të Carla del Ponte

Ministria e Jashtme e Zvicrës ka vendosur të ndaloi promovimin e librit “Gjuetia – unë dhe kriminelët e luftës” shkruar nga ish-prokurorja e Gjykatës për krime të luftes në ish-Jugosllavi (ICTY), Carla del Ponte.

Sipas Ministrisë së Jashtme të Zvicrës libri i Del Pontes, që tani është ambasadore e Zvicrës në Argjentinë, përmban deklarata që një zyrtar i shtetit zviceran nuk ka të drejtë ti thotë publikisht.

Në shtypin serb, shumë javë para se të dilte libri, ka pasur shumë shkrime sipas të cilave Del Ponte në librin e saj shkruan se ka pasur të dhëna për trafik të organeve gjatë luftës në Kosovë. Sipas këtyre informatave UCK kishte masakruar 300 serb nga Kosova dhe më pas u kishte marr organet që ishin shitur në Perëndim.

Ahmet Isufi, ish komandant i UCK-së dhe tani nën kryetar i AAK-së, ka mohur një gjë të tillë dhe i ka quajtur këto akuza politike, kurse një zëdhënës i TMK-së ka thënë se Del Ponte po gënjen.

Sipas medieve, autoritetet i kanë kërkuar Del Ponte që të kthehet sa më shpejtë që është e mundur në Buenos Aires dhe të vazhdoj punën e saj si ambasadore e Zvicrës.

Të drejtat e librit që është në italisht i mban shtëpia botuese italiane, Feltrinelli. Në anglisht, libri pritet të del në fillim të vitit 2009.

Molla e Kuqe ka pasur disa artikuj në lidhje me këtë ceshtje. Keta artikuj mund ti gjeni këtu (shypeni)

Molla e Kuqe

 

Read Full Post »