Presidenti Sejdiu takoi humanisten Natasha Kandiç

Presidenti i Republikës së Kosovës, dr. Fatmir Sejdiu priti sot humanisten serbe Natasha Kandiç, drejtoreshë e Fondacionit për të Drejtën Humanitare me seli në Beograd, e cila po qëndron në Kosovë.

Zonja Kandiç theksoi se është shumë e nevojshme që të krijohet një Komision Rajonal për Viktimat, i cili do të punonte për ndriçimin e të gjitha krimeve që kanë ndodhur në ish-Jugosllavi. Ajo tha se nisma e saj është përkrahur edhe në Kroaci dhe në Bosnjë dhe Hercegovinë dhe se priste që kjo përkrahje t’i jepej edhe në Kosovë.

“E vërteta është e vërtetë dhe para saj bien të gjitha “argumentet” e tjera, të cilat ndokush përpiqet t’i plasojë në opinion”, theksoi zonja Kandiç, e bindur se zbardhja e krimeve do ta lehtësonte afrimin dhe bashkëpunimin mes popujve në këtë pjesë të Evropës.

Ndërkaq, Presidenti Sejdiu e përgëzoi zonjën Kandiç për tërë veprimtarinë e saj humanitare, sidomos për angazhimin e saj të fuqishëm për zbardhjen e të gjitha krimeve që kanë ndodhur në hapësirat e ish-federatës jugosllave.

Zyra e Presidentit të Kosovës

Read Full Post »

E krasit RTK-në

Adi Krasta për emisionin “Njerëz të një shteti të ri”, për një muaj paguhet më shumë se Presidenti, Kryeministri dhe Kryeparlamentari së bashku. Paga e tij sillet prej 6 mijë deri në 8 mijë euro në muaj. Edhe paga e Krastës edhe e Presidentit Sejdiu paguhen nga buxheti i Kosovës.

Njëri prej moderatorëve më të mirë shqiptarë, është duke vazhduar ciklin e emisioneve më të dobëta dhe më të shtrenjta që janë realizuar ndonjëherë në Radio Televizionin e Kosovës. Meqë këto ditë aq shumë është folur për pagat e Presidentit dhe të Kryeministrit të Kosovës, ia vlen të thuhet se Krasta për një muaj të vetëm është paguar më shumë se sa Presidenti, Kryeministri dhe Kryeparlamentari tok. Ose, Krasta i vetëm paguhet se gjysma e ministrave së bashku. Lajmi i vetëm që eventualisht mund ta prodhojë “shoë” i Krastës, i titulluar “Njerëzit e shtetit të ri”, është çmimi me të cilin RTK ka vendosur ta paguajë këtë moderator.

Gazeta Express ka mësuar prej burimeve të saja se për një emision Krasta paguhet më shumë se 2 mijë euro, ose rreth 8 mijë euro në muaj. Këtë e ka mohuar drejtori Televizionit, Liridon Cahani, sipas të cilit, moderatori i importuar nga Shqipëria paguhet për një emision “vetëm” 1600 euro. Kjo i bie që Krasta për një muaj nga RTK ka marrë rreth 6 mijë euro. Kjo shifër kalon të gjitha pagat që ndonjëherë është paguar ndonjë gazetar i Kosovës, apo moderator.

Express ka kërkuar prej RTK-së që ta shohë kontratën e lidhur me Krastën, por kjo gjë nuk është mundësuar me pretekstin se kontratat e tilla nuk bëhen publike. Radio Televizioni i Kosovës, si organ publik, do të duhej ta kishte të obliguar që t’i bënte publike të gjitha të dhënat për të hyrat dhe të dalat e veta, pra edhe këtë kontratë.

Përndryshe në vende të ndryshme të botës, edhe televizionet komerciale, i bëjnë publike, të shumtën e herave, kontratat me shoëmen-et e televizioneve të tyre. Përndryshe, emisioni që Krasta po realizon në Kosovë, nuk është as hija e atyre që ky shoëman i ka realizuar gjatë punës së tij në televizionet shqiptare.

Emisioni i tij është krejtësisht joatraktiv, jocilësor, joinovativ dhe njëqelizor. Anipse bëhet fjalë për një emision me titull “Njerëz të një shteti të ri”, aty defilojnë edhe njerëz të “shtetit të vjetër”, nga Shqipëria. Për shembull kemi pasur rastin të fascinohemi me prezencën e njëfarë Arbana Osmani dhe Arbër Qepani, që nuk kanë ndonjë lidhje të ngushtë me shtetin e ri, sepse ata janë pjesëtarë të shtetit shqiptar. E vetmja lidhje e këtyre dy personave me Kosovën është se miku i tyre, Adi Krasta, po merr para nga shteti i ri. Ata janë pjesë e stafit që kishte realizuar emisionin “Big Brother”, një shoë të cilit i është bërë një propagandë e madhe.

Edhe shikuesit më të shkujdesur të këtij emisioni, kanë pasur mundësinë të vërejnë se Krasta në disa intervista të tij është shfaqur me rroba të njëjta. Dyshohet se ai i ka realizuar dy – tri intervista brenda një dite. Kaq sa i përket seriozitetit dhe djersës që Krasta ka derdhur për realizimin e emisionit.

Deri më tani janë transmetuar emisionet me të ftuarit si Fatmir Limaj, Ramush Haradinaj, Melihate Tërmkolli, Arbana Osmani, Arbër Qepani dhe Muharrem Nitaj.

Po presim që Krasta të na befasojë ditëve në vijim.

Gazeta Express

Read Full Post »

Parlamenti i Kosovës kritikohet nga OSBE

OSBE ka kritikuar ligjivënësit e Kosovës se nuk kanë respektuar rregullat parlamentare dhe detyrat e kërkuara nga qeveria. Në vlerësimin e saj mbi efetkshmërinë e parlamentit për periudhën nga prilli në qershor, një raport i OSBE-së i publikuar të dielën (10 gusht) kritikon faktin që anëtarët e qeverisë nuk kanë marrë pjesë në seancat e zakonshme dhe se takimet e komisioneve janë mbajtur pa kuorumet e kërkuara. OSBE i bëri thirrje parlamentit të ushtrojë autoritetin e tij dhe të insistojë tek anëtarët e kabinetit të jenë të pranishëm në seanca për t’ju përgjigjur pyetjeve mbi çështjet kyçe.

Në lajmet e tjera, ish-dërguari i posaçëm i BE-së në Kosovë Volfgang Petritssh po sugjeron se modeli i Brcko, në Bosnje-Hercegovinë (BH), mund të përdoret në Kosovë për të zgjidhur përkohësisht çështjet e Mitrovicës. “Duhet të jetë një dialog i drejtpërdrejtë midis Beogradit dhe Prishtinës. Janë kaq shumë institucione që kanë të drejtën legjitime të negociojnë dhe të gjejnë një zgjidhje të identifikuar,” i tha Petritssh BBC të hënën.

SETimes.com

Read Full Post »

Sipas mediave serbe Kosova është fajtore për konfliktin mes Rusisë dhe Gjeorgjisë

Edhe sot kanë vazhduar luftimet midis forcave ruse dhe atyre gjeorgjiane brenda territorit të Gjeorgjisë.

Përveç se kanë raportuar se aleati i tyre i madh po shënon sukses në luftimet kundër gjeorgjianëve mbi provincat e Abkhazisë dhe Osetisë Jugore, mediat serbe kanë filluar ta përdorin këtë konflikt të armatosur kundër pavarësisë së Kosovës.

B92, një shtëpi mediale nga Beogradi me pronarë disa organizata të huaja që ndihmojnë fjalën e lirë, sot ka publikuar një artikull që përmbledh se ç’far shkruajnë gazetat polake për konfliktin mes Gjeorgjisë dhe Rusisë, dhe jo rastësisht faji për këtë konflikt i lihet Kosovës.

Sipas B92, gazetat polake shkruajnë se sulmet ruse kundër armatës gjeorgjiane janë përgjigjja e Rusisë kundër Perëndimit për përkrahjen dhe njohjen pavarësinë e Kosovës.

Në këtë artikull edhe janë përfshirë disa deklarata të liderit antikomunist, Lech Wales, ku ai kritikon lidershipin polak për njohjen e pavarësisë së Kosovës.

Molla e Kuqe

Read Full Post »

Kosova paslufte – Dilemat e politikës.

Toka e Shenjtë e njërit dhe Palestina e tjetrit përbëjnë

dy faqe të ndryshme të të njejtës dhe të vetmes medalje :

ajo e marrjes së shpagës nga ana një shumice të çliruar dhe

fitimtare, e cila, në emër të historisë ju shkakton të tjerëve po

ato vuajtje që ka hequr vetë, gjatë periudhës së skllavërisë së saj.

« Kosovarizimi » i strukturave administrative – krijimi i rreth njëzet departamenteve qeverisëse si dhe i rreth tridhjetë administratave komunale – zgjoi fërkimet dhe kontradiktat mes forcave politike lokale, ndërkohë të përfaqsuara në CAI. Ideja e investimit të njerëzve të tyre në përgjegjësitë egzekutive donte të thoshte vendosja e gurëve partiakë në fushën të shahut të pushtetit të ardhshëm, ndikimin e vendimeve në drejtimin e pëlqyer të partive politike. Por raportet aktuale të forcës ishin mbështetur në rradhë të parë mbi forcën e pastër, atë të armëve, në vend që ato të ishin raporte të ndikimit politik. E vetmja rrugë e arsyeshme në këtë stad zhvillimi të shoqërisë kosovare ishte rivendosja e ekuilibrit të forcave politike, fort i komprometuar pas depërtimit të partive « nacionaliste », pjella të UÇK-së. Vetëm një ekuilibër i dalë nga kutitë e votimit zotëronte fuqinë për të emancipuar bashkëbiseduesit politikë – duke i i rikthyer sejcilit peshën e tij reale. Kështu mund të diferencoheshin bartësit e një projekti politik afatgjatë, në përputhje me pikpamjet ndërkombëtare dhe të ndjeshëm ndaj problemit të pakicave kombëtare. Si përfundim, të përcaktoheshin ata më përfaqsuesit e shoqërisë kosovare, që zotëronin njëkohësisht frymën e bashkëpunimit si dhe lakueshmërinë e nevojshme ndaj kërkesave të kohës.

Një hap drejt kthimit në ekuilibër në nivelin territorial ishte hedhur me rastin e zgjedhjeve lokale të tetorit 2000, gjatë të cilave kishin dalë në pah tre forcat më të rëndësishme politike të krahinës. Me 58% të votave, LDK tashmë kontrollonte plotësisht 22 komuna nga 30 që llogariste Kosova ndërkohë që, me 27,3% të votave, PDK mundi të kontrollonte vetëm 5 komuna. Përsa i përket, AAK, megjithë ato 7,7% të votave të fituara, nuk kish mundur të merrte asnjë komunë. Ndoshta ishte suksesi i zgjedhjeve lokale, ndoshta euforia e pasluftës… sidoqoftë, e interesuara kryesore, LDK, s’mundi të bënte një bilanc të egzistencës së saj dhjetëvjeçare dhe, ç’është më e rëndësishmja, të krijonte një vizion të ri të jetës politike të Krahinës, tashmë jashtë kontrollit të Serbisë dhe, deri diku, jashtë kontrollit të vetë Lidhjes dhe Rugovës.

Read Full Post »

Kosova paslufte – Ground Zero.

Toka e Shenjtë e njërit dhe Palestina e tjetrit përbëjnë
dy faqe të ndryshme të të njejtës dhe të vetmes medalje :
ajo e marrjes së shpagës nga ana një shumice të çliruar dhe
fitimtare, e cila, në emër të historisë ju shkakton të tjerëve po
ato vuajtje që ka hequr vetë, gjatë periudhës së skllavërisë së saj.

Lufta e parë e NATO-s në Evropë kundër Serbisë së Millosheviçit mbetet ende për numër të madh evropianësh një akt i nxituar, i parakohshëm dhe me pasoja të rënda për të ardhmen e kontinentit. Të gjithë kundërshtarët e këtij akti nënvizojnê faktin se, edhe kësaj here, Evropa ju nënështrua vullnetit amerikan për të rivendosur rendin ndërkombëtar në një ekspeditë ushtarake në kufij të hapësirës të Evropës perëndimore, motivet e afishuara të të cilës ishin arsyet morale dhe humanitare.

Çfarëdo që mund të thuhet lidhur me arsyet – ose mbi mungesën e arsyeve – të këtij konflikti, mbi interesat (ose mbi mungesën e interesave) strategjike të evropianëve dhe të amerikanëve në këtë qoshe të Evropës (shënimi 1) ose së fundi lidhur me ortekun e ngjarjeve që rrezikonin të shpërthenin në Ballkan, përpara syve të shqiptarëve ishte luajtur episodi më i papritur i historisë së tyre të shkuar ose të tashme : për herë të parë, një koalicion fuqish – më i fuqishmi i planetit mbarë – kish ndërhyrë ushtarakisht në mbrojtje të të drejtave të tyre. Një Kosovë e çliruar nga sundimi serb ishte një dëshirë e madhe dhe e brendshme e kosovarëve që realiteti brutal e kish reduktuar në nivelin e një fiksioni të pastër ; breza të tërë patriotësh ishin sakrifikuar e vetëm pasi kishin guxuar ta ëndërronin. Vetëm prezenca e një ushtrie të NATO-s mbi tokat e krahinës – me ata 40.000 ushtarakët e saj – përbënte elementin që nuk lejonte të përzihej ëndrra me realitetin. Ky argument me peshë përcaktoi edhe rikthimin e atyre dhjetra dhe qindra mijra rrefugjatësh kosovarë në tokat e tyre, në hullinë e trupave aleate.

Read Full Post »

Ndjekje penale për ish “Universitetet Private”

Isa Mulaj

Raporti i Këshillit Britanik për Akreditim, në mes tjerash, tërthorazi e vërteton atë që ka qarkulluar gjithmonë në opinion dhe shumicën e mas medieve kosovare – se universitetet private (nëse kanë qenë ndonjëherë universitete) janë sektor i shpëlarjes së parave. Nuk ka pasur kurrfarë dyshimi në kualitetin e studimit në këto “Universitete”. Ka qenë evident fakti se ato ishin themeluar vetëm për mbledhjen e tepricës së studentëve që nuk i plotësonin kriteret për regjistrim në universitetin publik të Prishtinës.

Kur numri i “Uversiteteve Private” po i ofrohej normës dyshifrore, disa pedagogë gjysmë analfabetë të tyre na thonin se kështu, me rritjen e numrit të tyre, vjen deri te konkurrenca që do ta bëjë eliminimin e shumicës dhe përzgjedhjen e disave që do të mbesin në treg. Atë që këta pedagogë nuk donin dhe nuk dinin të thoshin, është se, në ekonominë e tregut shteti është rregullatori më i mirë i konkurrencës. Iu bë “qejfi” këtyre pedagogëve dhe numri i “Universiteteve Private” arriti në mbi 30, shumica prej të cilave kishin fakultete të arsimimit për biznes, që në realitet ishte biznesi i arsimit për pronarët dhe pedagogët në dëm të studentëve. Si mund të vinte konkurrenca në arsimin e lartë kur teprica e universitetit publik tani po bëhej edhe më e shpërndarë në më shumë “Universitete Private”? Po të kishte kuptim logjika se numri i madh është në funksion të konkurrencës së arsimit të lartë, atëherë këtë do ta praktikonte Britania e Madhe, ose shteti nga i cili u ftua institucioni për vlerësimin e “Universiteteve Private” të Kosovës – Këshilli Britanik për Akreditim. Britania e Madhe me mbi 60 milionë banorë ka 120 universitete, prej tyre 118 publike dhe vetëm 2 private. Dikush do të thoshte se ky është raport 1 universitet për 500.000 banorë krahasuar me 1 ndaj përafërsisht 65.000 banorëve në Kosovë. Ky krahasim është i padobishëm meqenëse në universitetet Britanike kanë qasje miliona studentë nëpër botë, ndërsa në Kosovë kjo qasje ishte e rezervuar për tepricën e Universitetit të Prishtinës. Dy universitetet e vetme private në Britani të Madhe janë: Universiteti i Bakingamit dhe Universiteti i Riçmondit. I pari ka gjithsej 840 studentë. I dyti ka më pak se 2.000 studentë dhe njihet si Universiteti Ndërkombëtar Amerikan në Londër, çka e bënë Britaninë e Madhe (edhe zyrtarisht ashtu njihet) me vetëm një universitet privat, atë të Bakingamit. Sidoqoftë, të dyja qëndrojnë prapa universiteteve publike pothuajse në çdo aspekt. Sllovenia me popullsi përafërsisht sa Kosova ka gjithsej katër universitete, të gjitha publike, dhe nuk paska nevojë t’i hyjë aventurave me konkurrencë private në arsimin e lartë.

Read Full Post »

Lamtumirë universitete private

Qeveria e Republikës së Kosovës pas një raporti nga Këshilli Britanik për Akreditim që kishte për qëllim vlerësimin e institucioneve të ndryshme që ofrojnë arsim të lartë në Kosovë, ka marr vendim që të ju ndaloi universiteteve private pranimin e studentëve të rinj për vitin akademik 2008/09.

Sipas raportit asnjë nga institucionet e arsimit të lartë në Kosovë nuk i përmbushin kriteret për të qenë universitet. Një përjashtim është Universiteti Amerikan në Kosovë që ka bashkëpunim me Rochester Institute of Technology në Shtetet e Bashkuara të Amerikës.

Britanikët që kanë punuar raportin i rekomandojnë Qeverisë së Kosovës që të gjitha universitetet të akreditohen nga e para. Vendimi i qeverisë tregon se qeveritarët e kanë ndërmend që të ndjekin këtë këshillë.

Read Full Post »

1.2 miliard euro donacione për Kosovën

Në Bruksel përfundoi Konferenca e Donatorëve për Kosovën. BE-ja, SHHBA-ja dhe Gjermania janë tre donatorët më të mëdhenj.

Donatorët premtuan 1.2 miliardë euro për zhvillimin e ekonomisë në Kosovë, në konferencën e donatorëve që u mbajt në Bruksel.

“Konferenca ka qenë shumë e suksesshme”, tha Pier Mirel, zyrtar i lartë i Komisionit Evropian, përgjegjës për Ballkanin.
“Ky është një sukses i jashtëzakonshëm për të ardhmen e Kosovës si shtet i sigurt, demokratik dhe shumëetnik”, tha kryeministri i Kosovës Hashim Thaçi në mbyllje të konferencës së donatorëve.

Sipas tij, qeveria e Kosovës premton se do të vazhdojë me qeverisjen e mirë dhe shtoi se “asnjëherë nuk do t’ju zhgënjejmë”.

Read Full Post »

Gjobiten PDK, LDK, AAK për mosdeklarim të shpenzimeve dhe të ardhurave

Më shumë se gjashtë muaj pas përfundimit të zgjedhjeve të 17. nëntorit, Komisioni i Zgjedhjeve për Ankesa dhe Parashtresa, ka vendosur të gjobis shumicën e partive politike në Kosovë për mosdeklarim apo deklarim të mangët të shpenzimeve dhe të ardhurave gjatë fushatës së zgjedhjeve.

Paneli i përbërë nga një ndërkombëtar, që edhe kryeson panelin, dhe dy vendorë, pas një ankese nga Zyra për Regjistrimin e Partive Politike pranë OSBE-së , ka konstatuar se partitë politike në Kosovë, mes këtyre edhe ato më të mëdhatë, kanë bërë deklarim të pasaktë të të ardhurave dhe shpenzimeve gjatë zgjedhjeve të 2007.

Partia Demokratike e Kosovës që pas zgjedhjeve të nëntorit 2007 është edhe partia më e madhe në Kosovë dhe pjesë e qeverisë, është dënuar me 93 000 euro për mosrespektim të rregulloreve të ndryshme për zgjedhjet. Kjo është gjoba më e madhe që është dhënë me rastin e zgjedhjeve të 2007.

PDK që pushtoi gazetat, televizionet, internetin me fushatën e tyre që ishte mjaft e suksesshme dhe i solli në qeveri, nuk ka deklaruar se nga kanë marr shumat marramendëse që ishin të nevojshme për të financuar fushatën zgjedhore. Në fushatën e PDK-së ishin inkuadruar edhe ekspert amerikan për marrëdhënie publike që më herët kishin udhëhequr fushata presidenciale në ShBA.

Në raport shkruan se Partia Demokratike e Kosovës (PDK) nuk ka paraqitur raporte të sakta, nuk ka raportuar plotësisht për të gjitha shpenzimet dhe te ardhurat, nuk ka bërë identifikimin e të gjitha burimeve të ardhurave, ka pasur një historik të mosparaqitjes së deklaratave financiare dhe nuk ka bashkëpunuar me auditorët.

PDK-së i është dhënë mundësia që të ju përgjigjet këtyre akuzave, por Komisioni i Zgjedhjeve për Ankesa dhe Parashtresa nuk ka marrur asnjë përgjigjje nga partia më e madhe në Kosovë, që fitoi zgjedhjet e fundit duke premtuar se do të luftonte korrupsionin që kishte lëshuar rrënjë gjatë qeverisjes së LDK-së dhe AAK-së.

Konkurrentja Aleanca për Ardhmërinë e Kosovë (AAK) që mori shumë më pak vota sesa PDK dhe tani është në opozitë, është gjobitur me 5 000 euro.

Partnerja e PDK-së në qeveri, Lidhja Demokratike e Kosovës, ka marr gjobën 20 000 euro.

Nexhat Daci me dardanët kanë marrë një gjobë prej 8 000 euro.

Aleanca Kosova e Re, që ka lider milionerin Behgjet Pacolli, do të duhet ti paguaj 12 000 euro gjobë.

Edhe partitë e minoriteteve dhe kandidatet e pavarur janë gjobitur.

Arsyetimet janë të njëjta pothuajse në të gjitha vendimet për gjobitje ndaj shkelësve të rregulloreve për zgjedhje, por shuma e madhe që do të duhet të paguhet nga PDK-ja tregon se shkeljet e tyre duhet të kenë qenë më të rëndat.

Gjobat është dashur të paguhen brenda 15 qershorit. Nuk dihet ende se cilat subjekte kanë paguar këto gjoba.

Në vendime nuk shkruan se ç’far mund të ndodhë nëse gjobat nuk paguhen.

Molla e Kuqe

Read Full Post »

Ekonomia e hapur e tregut për helme kimike‏

Isa Mulaj

Para një muaji, në Kosovë janë futur disa maune me vaj që përmbajnë materie të rrezikshme kimike. Pas përpjekjeve të pasuksesshme për kthimin e tyre në vendin e origjinës – Iran, ato u vendosën në Mitrovicë. Tre policë kishin kërkuar ndihmë mjekësore nga ndikimi i tërthortë (vetëm pse ishin në përcjellje të atyre mauneve) i atyre materieve helmuese 50 herë më shumë se që është e lejuar me norma.

Kaloj një kohë dhe u krijua bindja se materiet e importuara ishin asgjësuar sipas premtimeve të dhëna nga Qeveria. Por ja, tani shpërthyen protestat e qytetarëve me parullat: “Nga veriu po na dëbojnë, në jug po na helmojnë”, “Nëntë vjet manipulim, tash edhe helmim”, “Më 1990 na helmoi Serbia, më 2008 Qeveria”, “Stop eksperimentimit me shëndetin dhe jetën e mitrovicasve sikur të ishin minjë laboratorikë”, etj.

Është irrituese neglizhenca e Qeverisë, e sidomos Ministrisë së Ambientit dhe Planifikimit Hapësinor, Kuvendit Komunal të Mitrovicës që e ndajnë shqetësimin së bashku me popullatën, ndërkohë që komandanti i stacionit policor në jug të Mitrovicës u shpreh se janë marr masat e nevojshme që të mos bllokohet komunikacioni! (për shkak të protestave).

Read Full Post »

Kosovë, poezi

Kosovë

Ti bote pe tmerr ne mes te Ballkanit
Ti bote pe Evropën tek po bënte sehir
Këto qe ti sot pe
Nuk ishin ne mesjet
Këto vrasje makabre fëmijësh
ndodhen ne shekullin e njëzetë

Ne pamë edhe ju pate
Te gjithë pamë ketë horror
Pamë tek kuçedra villte zjarr bombash mbi Kosovë.
Pamë tek zhuriteshin ato vise
Nga flaka e barutit dhe e plumbave pa fre
Pamë tek largoheshin shqipet
Duke braktisur te përhershmen fole.

Pamë tek ulëritshin fëmija
Pamë tek vajtonin nenat
Pamë tek heshtnin burrat
Pamë tek dyshonin njerëzia se nuk ka me zot
Sepse pamë qe priteshin gjymtyrë njerëzore
Fëmija i copëtohej nënës para sysh
Fëmijës i vritej nena tek e ushqente ne gji
Pamë tek torturonin ne mënyrën me çnjerëzore

Dhe gropa masive hapeshin
Te kalleshin të gjallë robnia
Pamë tek përdhunoheshin gra e motra.
Te gjithë ne pame ,bashkë i pamë
Dhe ti serbi pretendon
Se e jotja është Kosova??????

Besa Hysa

Read Full Post »

Fatmir Sejdiu për 2 korrikun

Të nderuar qytetarë të Republikës së Kosovës,

Miratimi i Deklaratës Kushtetuese të 2 Korrikut 1990 shënoi hapin e parë institucional të procesit të gjatë për pavarësinë e Kosovës. Kjo deklaratë qe moment kthese në historinë më të re të Kosovës, sepse ishte akti i parë i artikulimit të qartë të vizionit dhe të vullnetit politik të qytetarëve dhe të institucioneve të Kosovës për liri, demokraci dhe pavarësi. Prandaj, 2 Korriku i vitit 1999 do të kujtohet gjithmonë si datë që sublimon përpjekjet e pareshtura të popullit të Kosovës për liri dhe mëvetësi.

Deklarata Kushtetuese e 2 Korrikut 1990, bashkë me aktet e tjera që e pasuan, e që po kështu janë me rëndësi jetike për Kosovën, si Kushtetuta e Kaçanikut dhe Referendumi për pavarësi, shenjojnë kthesën historike në përpjekjet tona të gjithanshme për liri në dekadën e fundit të shekullit XX. Këto akte u shndërruan me kohë në busull të Lëvizjes sonë paqësore politike, të udhëhequr nga Presidenti vizionar i Kosovës, dr. Ibrahim Rugova. Por, po këto akte qenë edhe pikënisje e të gjitha sakrificave dhe flijimeve të luftës së armatosur për çlirim.

Read Full Post »

Turist në Prishtinë

Ky reportazh është shkruajtur nga Sophie Middlemiss për të përjavshmen britanike “The Observer”. Artikulli u botua më datën 22 qershor 2008.

Pse pikërisht tash?

Shteti më i ri në botë, Kosova, ka deklaruar pavarësinë në muajin shkurt. Festat e rrugëve ndoshta tani kanë mbaruar, por se emocionet ende janë të dukshme në kryeqytetin e Kosovës, në Prishtinë, një qytet i sigurt dhe i ngjeshur, i përkryer për një eksplorim në fundjavë.

Të dielën e kaluar është miratuar kushtetuta e Kosovës, ndërsa himni kombëtar që thuhet se është i titulluar “Evropa”, është luajtur nga Filarmonia e Kosovës.

Vendtakimi i moçëm

E ngritur mbi të metat e saj, me mbishkrim të ndritur dhe verandë me bar artificial, Hotel Grandi është ende vendtakimi kryesor në kryeqytet. Hotel Afa, i këndshëm dhe i nivelit mesatar ka pasur një ide frymëzuese duke ofruar zbritje prej 20 për qind për qytetarët e vendeve që kanë njohur pavarësinë e Kosovës (duke përfshirë edhe Britaninë). Përvojën më të mirë për fjetje do ta keni në një shtëpi familjare të një ish-profesori në universitet; Guesthouse Velani. Është e panjollë, mikpritëse dhe e lirë, ku nata kushton 13 euro.

Read Full Post »

Serbët themelojnë kuvend ilegal në Kosovën e pavarur

Nacionalistet serbe kanë ngritur sot parlamentin serb në qytetin e ndarë të Mitrovicës në shenjë sfide të hapur ndaj shtetit të pavarur të Kosovës.

Parlamenti serb do të luftojë kundër krijimit të një tjetër shteti shqiptar në Ballkan ka thënë për agjensinë e lajmeve “Reuters” lideri i nacionalistëve serbë Marko Jaksic.

Gjithsesi parlamenti serb në Mitrovicë nuk do të ketë asnjë fuqi legjislative dhe ekzekutive, por reflekton ndarjen e thellë që ka ende në Kosovë mes shumicës shqiptare dhe pakicës serbe që pas shpalljes së pavarësisë në 17 shkurt.

Ndërkaq kanë ardhur menjëherë reagimet e para për këtë veprim të serbëve në Mitrovicë, kështu presidenti kosovar Fatmir Sejdiu e ka cilësuar destabilizues parlamentin serb, por megjithatë i ka bërë një apel shqiptarëve për të ruajtur qetësinë. “Ruani qetësinë dhe mos reagoni ndaj provokimeve”, ka qenë apeli i presidnetit Sejdiu. Edhe shefi i ri UNMIK-ut italiani Lamberto Zanier ka reaguar duke u shprehur se parlamenti serb në Kosovë do të ketë vetëm një rol simbolik. Serbët zgjodhën sot për të ngritur paralmentin e tyre pikërisht për të përkujtuar betejën për Kosovën në 28 qershor të 1389 kundër osmanëve. Ndërkaq UMNIK dhe policia kosovare kanë shtuar kontrollet në Mitrovicë për të parandaluar çdo incident të mundshëm.

Ndërkohë, përfaqësuesi i listës serbe për Kosovë, Oliver Ivanoviq, një veprim të tillë e quan të parëndësishëm sepse formohet nga partitë opozitare, ajo radikale serbe dhe Partia Demokratike e Serbisë, për qëllime të një grupi të vogël njerëzish.

“Ata do të tentojnë të gjejnë mënyrën për ndërtimin e një institucioni i cili do të kundërshtojë koalicionin e ri në Beograd. Qeveria pro evropiane në Beograd është po ashtu e ndjeshme përballë çështjes së Kosovës dhe se është e qartë se ata do të tentojnë të veprojnë si forcë opozitare, e cila do të jetë absolutisht e parëndësishme”, ka thënë Ivanoviq.

Ivanoviqi mendon se nuk duhet të merren hapa të tillë, sepse një institucion i tillë nuk do të jetë partner as i Bashkësisë Ndërkombëtare, as i institucioneve kosovare e as për qeverinë e re të koalicionit në Beograd. Ai thekson se një Kuvend i tillë do të formohet vetëm për interesat e një grupi të vogël njerëzish sa për të marrë funksione.

Zëdhënësi i UNMIK-ut, Aleksander Ivanko, ka thënë se formimi i strukturave paralele në Mitrovicë është një akt ilegal, me të cilin forcohen strukturat paralele serbe.

“Parlamenti serb është ilegal. Ai është një pjesë e një realiteti virtual, diçka që ne nuk e marrim seriozisht”, ka thënë Ivanko, duke shtuar se deklarata e këtij kuvendi, e cila hedh poshtë pavarësinë e Kosovës, nuk ndihmon në pajtimin mes shqiptarëve dhe serbëve.

“Do të ishte më e dobishme që serbët e Kosovës të mundohen që të përfshihen sa më shumë në punën e institucioneve të Kosovës, në vend se të formojnë struktura të reja paralele”, tha Ivanko. (Balkanweb, RTK, Evropa e Lirë)

Read Full Post »

Kosova në kaos juridik

Periudha e tranzicionit në Kosovë po përcillet me paqartësi juridike, ku institucionet e Kosovës, UNMIK-u, EULEX-i e ICO-ja funksionojnë në bazë të dokumenteve të ndryshme juridike. Juristët kosovarë tërheqin vërejtjen se kjo do t’i shkaktojë telashe shtetit të ri kosovar.

Kushtetuta, plani i Ahtisaarit dhe raporti i Ban Ki Moonit – janë këto tri dokumente që aktualisht institucionet vendore dhe ndërkombëtare u referohen në kryerjen e funksioneve të tyre. Juristët tërheqin vërejtjen për një situatë konfliktuoze, ku askush nuk ka autoritetin sipëror, të cilit do t‘i bindeshin mekanizmat përkatës.

UNMIK-u, që në bazë të Rezolutës 1244 ka thënë fjalën përfundimtare deri tash, ka filluar rikonfigurimin, që nënkupton se ky mision do të zvogëlohet, për t’i lëshuar vendin EULEX-it. Por, tërë ky rikonfigurim nuk merr për bazë as kushtetutën e as planin e Ahtisaarit, por vetëm raportin e sekretarit të përgjithshëm të OKB-së, Ban Ki Moon.

Read Full Post »

Kurr më nuk do të negociohet për pavarësinë e Kosovës

“Asnjëherë nuk do të hapet pakoja e Martti Ahtisaari-t, asnjëherë nuk do të hapet statusi i Kosovës dhe asnjëherë nuk do të ulemi në tavolinë për të dialoguar çështjet që kanë të bëjnë me të ardhmen e Kosovës dhe të pozicionit të saj juridik dhe kushtetues që ka”, ka thënë presidenti i vendit Fatmir Sejdiu pas një takimi me përfaqësuesit e minoriteteve, veç atyre serb, të cilët e kanë bojkotuar takimin.

Presidenti Fatmir Sejdiu nuk e ka përjashtuar mundësinë e bisedimeve me Beogradin për çështje praktike që janë në interes të qytetarëve të Kosovës, por ka theksuar se në këto bisedime, Prishtina mund të hyjë vetëm si palë e barabartë me Beogradin.

Sejdiu ka thënë se pavarësisht tendencave të Beogradit, Qeveria e Kosovës nuk do të pranojë asnjë zgjidhje që do të jetë në dëm të qytetarëve të Kosovës.

Sipas tij, çdo çështje e mundshme do të analizohet thellësisht dhe me maturi. Presidenti i Kosovës siguroi se sa i përket statusit nuk do të ketë më asnjëherë bisedime me Serbinë.(RTK)

Read Full Post »

Sejdiu: Të mos krijohen iluzione se Kosova s’është e pavarur

Presidenti Sejdiu priti ambasadorin e Belgjikës në Sofje, z. Philipe Beke, i cili njëkohësisht përfaqëson vendin e tij edhe në Kosovë.

Presidenti Sejdiu e informoi ambasadorin për vendimin që ka marrë për hapjen e misionit diplomatik të Republikës së Kosovës në nivel ambasade në Bruksel, ku janë duke u zhvilluar procedurat e nevojshme.

Gjithashtu, Presidenti Sejdiu e falënderoi ambasadorin Beke për ndihmat, bashkëpunimin dhe mbështetjen e fuqishme që Belgjika i ka dhënë Kosovës në periudha të gjata.

Ndërsa, ambasadori Philipe Beke i solli Presidentit Sejdiu konsideratat e larta të lartmadhërisë, mbretit të Belgjikës, si dhe garancitë për bashkëpunim të ngushtë të mëtejshëm.

Read Full Post »

Serbët i djegin sanën para syve të policëve ndërkombëtar

Një grup serbësh sot ia kanë djegur sanën e tubuar në arën e tij, Skënder Rexhepit, nga fshati Suhadoll i Mitrovicës.

Drejtori për Mbrojtje dhe Shpëtim në Komunën e Mitrovicës, Ylber Durmishi, tha se ngjarja ka ndodhur pas orës 12:00, me ç’rast një grup serbësh kanë hyrë në arën e Skënder Rexhepit dhe ia kanë djegur sanën e tubuar.

Ndërsa përfaqësuesi i Suhadollit, Shefki Imeri, tha se në momentin kur Skënder Rexhepi ishte duke mbledhur sanën e kositur në arë, një serb me një motorolë në dorë ka shkuar dhe i ka thënë që të largohet prej aty. “Pasi që Rexhepi s’ka pranuar ta largohet pa e kryer punën, aty janë mbledhur rreth 15 persona të cilët ia kanë vënë flakën sanës së tubuar”. Imeri thotë se e gjithë kjo ka ndodhur para syve të policisë së UNMIK-ut, të cilët edhe pse kanë qenë në afërsi nuk kanë intervenuar fare.

RTK

Read Full Post »

Në këto shtete do të hapen ambasadat e Rep. së Kosovës

Presidenti i Kosovës, Fatmir Sejdiu, ka dekretuar sot hapjen e nëntë ambasadave dhe përfaqësive të para diplomatike të Kosovës në botë. Për fazën e parë, ambasadat do të hapen në Uashington, Bruksel, Londër, Berlin, Paris, Romë, Vjenë, Bern dhe Tiranë.

Presidenti i Kosovës, Fatmir Sejdiu, ka dekretuar sot themelimin e nëntë misioneve të para diplomatike të Kosovës në botë. Me ketë vendim, Ministria e Jashtme ngarkohet për fillimin e zbatimit të këtij vendimi.

Këshilltarja politike e ministrit të Jashtëm, Albana Beqiri, thotë se ambasadat dhe përfaqësitë e para diplomatike do të punojnë fillimisht me personel në numër të limituar. Përzgjedhja e nëntë vendeve të para është bërë në varësi nga ndikimi politik që kanë këto kryeqytete botërore në politikën kosovare dhe në atë globale.

Read Full Post »