Feeds:
Postime
Komente

Archive for the ‘Sociale’ Category

S. Adam Cardais, Transitions Online

Shteti i ri i Kosovës shpreson në investimet e emigrantëve për të përmirësuar ekonominë

Gati 5 muaj pas shpalljes së pavarësisë, shteti më i ri i botës, Kosova, “i ka drejtuar sytë” drejt emigrantëve të vet, për të përmirësuar ekonominë me anë të investimeve aq shumë të nevojshme. Kanë kaluar gati 27 vjet, qëkur Agim Kalenderi, atëherë vetëm një adoleshent, u largua nga qyteti i tij i lindjes, Prizreni, për një jetë më të mirë në Belgjikë. Dhe me shumë fat, ai e arriti një gjë të tillë. Sot, 47-vjeçari është pronar i “New Fruit Co”. Me një xhiro vjetore prej 50 milionë eurosh, kompania e tij me bazë në Bruksel është një prej distributorëve të shitjes me pakicë më të mëdhenj të frutave dhe perimeve të Belgjikës. Mes rreth 400 mijë kosovarëve që u larguan nga vendi i tyre në vitet 1960 drejt vendeve si Gjermania dhe Zvicra, por edhe të tjerëve që u larguan gjatë luftërave në Ballkan në vitet ‘90, historia e suksesit të Kalenderit është mbase më e rralla. Shumë emigrantë kosovarë e përshkruajnë jetën jashtë vendit si një betejë konstante për të mbajtur familjet e tyre. Të qenit biznesmen nuk e bën Agimin të veçantë mes diasporës kosovare, por marrëdhënia e tij me Kosovën dhe veçanërisht dëshira e tij e madhe për të investuar në vendlindjen e tij. “Unë jam shqiptar Kosove. Do të doja shumë të investoja në vendin tim, por klima e investimeve duhet ende të përmirësohet. E vërteta është se ne nuk kemi siguri për kapitalin tonë”, – shprehet ai. Ashtu si Agimi, shumë investitorë potencialë hezitojnë, për shkak të frikës së hyrjes në një ekonomi të pllakosur nga papunësia, inflacioni dhe varfëria.

(më tepër…)

Read Full Post »

Lëshimi i pasaportave të reja, që do të kenë emblemën e Republikës së Kosovës, do të filloi së shpejti. Kjo bëhet e ditur nga Ministria e Brendshme në Kosove që është përgjegjëse për lëshimin e dokumenteve të reja të udhëtimit.

Ligji për dokumentet e udhëtimit u miratua më 20 shkurt të këtij viti por nuk hyri në fuqi deri sa nuk ishte në fuqi kushtetuta e re e Kosovës. Me të hyrë në fuqi Kushtetuta e Kosovës më 15 qershor, edhe ky ligj është në fuqi dhe nuk asnjë pengesë ligjore për të filluar lëshimin e dokumenteve të reja për shtetasit e Kosovës.

Sipas Ministrisë së Mbrojtjes, qytetarët e Kosovës do të mund të pajisen me pasaportat e reja më së herëti nga data 18 korrik.

Mësohet se pasaportat e reja janë duke u shtypur jashtë vendit dhe do të jenë gjysmë biometrik, diçka që e bënë më të vështirë falsifikimin tyre.

Duke u bazuar në ligjin për dokumentet, do të prodhohen katër lloje të pasaportave: pasaporta diplomatike, pasaporta zyrtare, pasaporta e zakonshme dhe dokumenti që lejon udhëtimin individual në rast të humbjes së pasaportës deri në nxjerrjen e saj.

Ndryshe nga më herët kur pasaportat ishin të vlefshme vetëm dy vite, pasaportat e reja me mbishkrimin Republika e Kosovës do të jenë të vlefshme 10 vjet.

Shumë bashkatdhetar në botën e jashtme janë të interesuar të pajisen me pasaportat e reja gjatë atyre javëve sa qëndrojnë në Kosovë, por si duket kjo do të jetë e vështirë për shkak se bashkatdhetarët do të duhet të ju drejtohen të njëjtave sportele sikurse vendasit. Me që ky është fillimi i lëshimit të dokumenteve, pritet të ketë radhë të gjata para zyrave ku do të kërkohet për pasaportë. Ministria e Brendshme nuk ka njoftuar se a është ndërmarr ndonjë masë për të lehtësuar pajisjen me pasaportë për bashkatdhetarët.

Pasaportat e reja do të mund të përdoren për udhëtime në vendet që e kanë njohur Kosovën si shtet të pavarur. Deri më tani Shqipëria është e vetmja nga fqinjët që e rrethojnë Kosovë , që ka njohur pavarësinë. Akoma nuk dihet se a do të ketë probleme për të udhëtuar për në Maqedoni me dokumentet e reja. Serbia që kundërshton fuqishëm pavarësinë e Kosovës nuk do të njohë pasaportat e lëshuar nga Republika e Kosovës.

Ligj e bënë të mundshme lëshimin e pasaportave edhe jashtë Kosovës nga përfaqësitë diplomatike të Kosovës që fillimisht do të hapen në shumë pak shtete: ShBA, Gjermani, Shqipëri, Belgjikë, Francë, Turqi, Itali, Britani të madhe dhe Zvicër. Ende nuk është bërë e ditur se kur do t’i hapin dyert këto përfaqësi.

Keqpërdorimi i pasaportës do të dënohet me gjoba nga 50 dhe deri në 1 000 euro, varësisht nga lloji i keqpërdorimit.

Ligji për dokumentet e udhëtimit

Nëse keni pyetje, kontaktoni Ministrinë për Punë të Brendhsme në këtë numër telefoni: + 381 38 200 19 088

Po e shohim se shumë lexues të faqes sonë janë të interesuar të dinë më shumë për pasaportat e reja dhe ne do të mundohemi që në ditën e ardhshme të ju njoftojmë me të rejat e fundit për këto pasaporta.

Molla e Kuqe

Read Full Post »

Turist në Prishtinë

Ky reportazh është shkruajtur nga Sophie Middlemiss për të përjavshmen britanike “The Observer”. Artikulli u botua më datën 22 qershor 2008.

Pse pikërisht tash?

Shteti më i ri në botë, Kosova, ka deklaruar pavarësinë në muajin shkurt. Festat e rrugëve ndoshta tani kanë mbaruar, por se emocionet ende janë të dukshme në kryeqytetin e Kosovës, në Prishtinë, një qytet i sigurt dhe i ngjeshur, i përkryer për një eksplorim në fundjavë.

Të dielën e kaluar është miratuar kushtetuta e Kosovës, ndërsa himni kombëtar që thuhet se është i titulluar “Evropa”, është luajtur nga Filarmonia e Kosovës.

Ndërtesa e Rilindjes, PrishtinëVendtakimi i moçëm

E ngritur mbi të metat e saj, me mbishkrim të ndritur dhe verandë me bar artificial, Hotel Grandi është ende vendtakimi kryesor në kryeqytet. Hotel Afa, i këndshëm dhe i nivelit mesatar ka pasur një ide frymëzuese duke ofruar zbritje prej 20 për qind për qytetarët e vendeve që kanë njohur pavarësinë e Kosovës (duke përfshirë edhe Britaninë). Përvojën më të mirë për fjetje do ta keni në një shtëpi familjare të një ish-profesori në universitet; Guesthouse Velani. Është e panjollë, mikpritëse dhe e lirë, ku nata kushton 13 euro.

(më tepër…)

Read Full Post »

Gazeta Express kishte dje një artikull për paraqitjet skenike të shumë këngëtarëve kosovare dhe ndikimin negativ që këto paraqitje kanë tek fëmijët.

Nga paslufta në Kosovë është bërë ligj i pashkruar për këngëtaret, se nëse dëshirojn të bëhesh e suksesshme duhet të zhvishesh sa më shumë që mundesh. Bile disa nga këngëtaret besojnë se ka lidhje mes cullakut dhe famës që arrihet. Sa më shumë cullak, aq më shpejt arrihet maja. Kënga dhe zëri nuk janë edhe aq të rëndësishme.

Më herët kur dikush ka ngritur zërin kundër kësaj dukurie negative, përgjigjja që ka marrë gjithmonë ka qenë se këto vajza po e modernizojnë Kosovën, po na çojnë më afër perëndimit e Evropës. Nga frika për t’u etiketuar të prapambetur shumë analist, sociolog, psikolog kanë zgjedhur që të mos flasin.

Por artikulli ne Express tregon se ka që nuk frikësohen nga etiketime të tilla dhe shprehin mendimet e tyre për këtë dukuri negative qe tani e dhjetë vite me radhë e ka vërshuar Kosovën.

“Duhet të kuptohet se edhe gjysmë-lakuriqësia nxit efekt erotik, sidomos tek fëmijët pasi që fëmija qysh në moshën shtatë vjeçare mendon për gjininë e kundërt dhe seksin. Këngëtaret e estradës nuk mendojnë aspak për këtë. Madje, ato, kështu nuk i imitojnë as yjet amerikanë të muzikës, pasi që Madonna shpeshherë ka mbajtur edhe ligjërata për edukatën seksuale para nxënësve të shkollave fillore amerikan dhe se vet ajo si këngëtare nuk lejon që video-spotet e saj të transmetohen në orët e mëngjesit nëpër televizionet amerikane”, thotë Mimoza, studente e Psikologjisë në Fakultetin Filozofisë në Prishtinë.

“Ndikojnë negativisht, si model i këndimit, vallëzimit dhe lëvizjeve të ndryshme skenike. Kjo ndikon negativisht dhe shihet edhe në koncertet e fëmijëve të shkollave kosovare, sidomos tek vajzat e shkollave fillore, të cilët imitojnë në gjeste, në veshje dhe lëvizje këngëtaret e estradës”, thotë sociologu Shemsi Krasniqi.

“Tek fëmija, sidomos pamja origjinale e këngëtarit nëpër qytet gjysmëlakuriqe ndikon keq. Kështu që një dalje e tyre në veshje normale do të ndikonte pozitivisht. Madje një dalje e tillë do të ndikonte tek këngëtari për të pasur një vlerësim më të mirë dhe më të pranueshme tek adhuruesit e tyre”, thotë psikologu Agim Selimi.

Trendi me kengetaret gjysëm të zheshura fillio në fund të viteve të 90-ta dhe pioniere e këtij trendi ishte këngëtarja e mirënjohur Adelina Ismajli. Më poshtë mund ta shihni një klip nga viti 1998 ku Ismajli këndon këngën Sajzeza me grupin shqiptar nga Maqedonia “Elita 5”. Paraqitjet skenike si kjo deri në atë kohë ishin të pazakonta. Pas kësaj filluan edhe këngëtaret tjera si Bleona Qereti, Genta Ismajli, Ciljeta, Nora Istrefi etje.

Për ta parë këtë klip kliko këtu.

Molla e Kuqe

Read Full Post »

Një grup serbësh sot ia kanë djegur sanën e tubuar në arën e tij, Skënder Rexhepit, nga fshati Suhadoll i Mitrovicës.

Drejtori për Mbrojtje dhe Shpëtim në Komunën e Mitrovicës, Ylber Durmishi, tha se ngjarja ka ndodhur pas orës 12:00, me ç’rast një grup serbësh kanë hyrë në arën e Skënder Rexhepit dhe ia kanë djegur sanën e tubuar.

Ndërsa përfaqësuesi i Suhadollit, Shefki Imeri, tha se në momentin kur Skënder Rexhepi ishte duke mbledhur sanën e kositur në arë, një serb me një motorolë në dorë ka shkuar dhe i ka thënë që të largohet prej aty. “Pasi që Rexhepi s’ka pranuar ta largohet pa e kryer punën, aty janë mbledhur rreth 15 persona të cilët ia kanë vënë flakën sanës së tubuar”. Imeri thotë se e gjithë kjo ka ndodhur para syve të policisë së UNMIK-ut, të cilët edhe pse kanë qenë në afërsi nuk kanë intervenuar fare.

RTK

Read Full Post »

Këshilli i Evropës po bën një fushatë që t’i bindë vendet anëtare të ndalojnë me ligj ndëshkimin trupor ndaj fëmijëve, që përfshin vënien dorë mbi fëmijët në familje, shkollë apo shoqëri.

Ndëshkimi trupor është një nga format më të dukshme të dhunës ndaj fëmijëve. Kjo dhunë ndodh në vende ku fëmijët duhet të jenë të mbrojtur, si në shkolla, familje, apo vende banimi.

Në shumë vende evropiane, shoqeria toleron, madje aprovon forma të caktuara të dhunës së zakonshme ndaj fëmijëve, veçanërisht në familje.

Këshilli i Evropës thotë se dhuna kundër fëmijëve duhet konsideruar si shkelje e të drejtave të njeriut dhe u kërkon të gjitha vendeve të ndalojnë me ligj të gjitha format e dhumës trupore, pa përjashtim.
Asnjë dhunë ndaj fëmijëve nuk është e justifikuar, çdo dhunë kundër fëmijëve është e parandalueshme.

Deri tani 47 vende anëtare të Këshillit janë angazhuar t’i japin fund këtij fenomeni, ndërsa 18 vende kanë aprovuar ligje për ndalimin e kësaj dhune dhe të paktën shtatë vende të tjera kanë premtuar ta bëjnë këtë në të ardhmen e afërt.

Motoja e OKB-së: Asnjë dhunë ndaj fëmijëve nuk është e justifikuar, çdo dhunë kundër fëmijëve është e parandalueshme.

Dihet se ndëshkimi trupor i fëmijëve është shumë i zakonshëm tek shqiptarët dhe ju lus që të jepni mendimin tuaj për këtë çështje.

– A duhet shteti ta ndalojë me ligj rrahjen e fëmijëve?

– A ka ndojë rast që ju do ta lejonit përdorimin e ndëshkimit trupor për fëmijët?

– Sa e përhapur është ky fenomen në vendin ku jetoni?

BBC Shqip

Read Full Post »

Ja dhe më në fund mbërriti në Tiranë një dyqan totalisht i dedikuar seksit. Një nga ato dyqanet me drita të kuqe, që shpesh kemi dëgjuar ose parë në ekranet e gjithë botës. Një “tempull” i gjithi i kushtuar erotizmit dhe provokacionit, një dyqan ku seksualiteti shikohet hapur në gjithë tërësinë e tij. Gjithçka që shërbehet aty, ndoshta do të skuqte jo pak shqiptarë. Por që gjithsesi janë jo të pakët ata që u duket i nevojshëm një vend i tillë. Shumë nga ata nuk do t’u kërkojnë më me siklet miqve të tyre kur shkojnë jashtë Shqipërisë, lojëra erotike, sepse tashmë ato gjenden në Shqipëri. Një dyqan, i cili nuk ofron produkte vetëm për ata që janë paksa “qejflinj” dhe kërkojnë t’i japin fantazi jetës së tyre seksuale, por dhe atyre që në intimitetin e tyre kanë probleme të cilat kërkojnë stimulues.

Sot, në një kohë kur seksi nuk është më tabu, nuk janë më të tillë edhe aksesorët që mund të përdoren në të. Sipas të zotit të dyqanit, kërkesa për të tilla instrumente që e bëjnë jetën seksuale edhe më të larmishme, ka pasur shumë më tepër sa nga çka e kishte imagjinuar. Është shumë i kënaqur që dyqani i tij, pavarësisht se mund të paragjykohet, frekuentohet shumë. “Të them të drejtën, kërkesa ka shkuar larg çdo pritmërie që kisha. Vërtet mendoja që dhe në Tiranë duhet të kishte një sexy shop, por realisht nuk e kam pritur kurrë një kërkesë kaq të madhe të shqiptarëve. Më vjen mirë për këtë, jo vetëm sepse biznesi im po shkon mirë, por dhe sepse e shikoj që ishte i nevojshëm”.

Por cilat janë preferencat erotike të shqiptarëve? Cilat janë dëshirat dhe kërkesat e tyre në një dyqan seksi? Femrat, sipas Shpëtimit, janë shumë të interesuara në kamxhikë, prangat, goglat e dashurisë, por dhe për vibratorët e shumtë që gjenden në dyqan. Me tepër preferojnë ata me materiale që ngjasojnë me mishin e njeriut, por që sigurisht janë dhe më të shtrenjtë. Një preferencë paksa e çuditshme janë dhe vibratorët dysh, që kërkohen kryesisht nga femrat lezbike. Ndërsa meshkujt, më së shumti kërkojnë pompat, të cilat aktualisht kanë mbaruar në dyqan. Gjithashtu dhe solucionet e ndryshme me shije frutash, kukullat etj.

Marrë nga Peshku Pa Ujë
Titulli është i Mollës së Kuqe

Read Full Post »

Qeveria e Kosovës bashkë me Kuvendin, Presidencën dhe Zyrën e kryeministrit Hashim Thaçi, vetëm për tre muajt e parë të këtij viti ka shpenzuar hiç më pak se mbi 1 milion e 300 mijë euro të buxhetit, për ushqim dhe pije për stafin e tyre, si dhe për dreka e darka zyrtare, bën të ditur në numrin e sotëm gazeta Koha Ditore.

Rekordin e shpenzimeve të tilla, sipas kësaj gazete, mbajnë Ministria e Drejtësisë, ajo e Arsimit dhe Ministria e Shëndetësisë, por jo larg tyre qëndron edhe Zyra e kryeministrit Thaçi.

Bazuar në raportin tremujor të shpenzimeve për këtë vit, të cilin e ka siguruar “Koha Ditore”, kryeministri Hashim Thaçi, i cili, derisa ishte në opozitë, ka bërë zhurmë rreth këtyre shpenzimeve, gjsatë të muajve të parë të këtij viti për stafin e Zyrës së tij ka bërë shpenzime të përgjithshme në vlerë prej mbi 300 mijë eurosh më shumë se sa që ka bërë kjo zyrë në të njëjtën periudhë të vitit të kaluar, kur udhëhiqej nga paraardhësi i tij, Agim Çeku.

Telegrafi

Read Full Post »

Me mijëra persona në Kosovë punojnë për organizata të llojllojshme ndërkombëtare. Nga ato që janë nën ombrellën e Kombeve të Bashkuara dhe të njohura në të gjithë botën deri tek ato si Qendra Kombëtare për Gjykatat Shtetërore që shumë pak nga ne dinë se c’far është dhe c’far bënë në Kosovë.

Edhe pse këto organizata vijnë nga shtete të zhvilluara me legjislacion që ndalon largimin nga puna pa arsye apo ndëshkimet e ndryshme ndaj të punësuarve, në Kosovë këto organizata praktikojnë rregulla që as në shtetet më të prapambetura të botës nuk janë të lejueshme.

Këto organizata që kanë ardhur në Kosovë të na mësojnë se si duhet të respektohen të drejtat e njeriut, i shkelin këto të drejta me të dy këmbët sa herë që është e nevojshme për ta.

Sapo lexova një koment shumë interesant shkruajtur nga Skender Limani, një ish punonjës i një organizate ndërkombëtare që tregon për përvojën e tij të hidhur si i punësuar në këtë organizatë. Nuk kam pyetur për leje për ta publikuar por shpresoj zotëri Limani nuk reagon kundër publikimit të komentit këtu te Molla e Kuqe.

Nëse punon sipas urdhrave dhe politikave të punëdhënësit, nëse shërben, tek e fundit, edhe si mbulesë për korrupsionin e tyre ose edhe nëse bëhesh bashkëpjesëmarrës në të, nëse bëhesh i dëgjueshëm dhe i zbaton me përpikëri politikat dhe urdhrat e tyre (edhe nëse nuk pajtohesh me ta, por nuk e shpreh në asnjë mënyrë), ju mund të jeni kandidat potencial për t’u punësuar në secilin institucion ose organizatë ndërkombëtare në Kosovë.

Gjatë vitit 2006 kam punuar në një organizatë ndërkombëtare amerikane në Kosovë me emrin Qendra Kombëtare për Gjykatat Shtetërore (NCSC, anglisht). Kjo organizatë kishte për qëllim reformimin e sistemit gjyqësor në Kosovë. Një ditë pune, duke pirë kafenenë e mëngjesit me disa nga bashkëpunëtorët amerikanë, u pyeta: “Çfarë mendojnë Kosovarët për flamurin e Rugovës (të propozuar nga Ibrahim Rugova) që të bëhet flamur i juaji?”. U përgjigja: “Besoj që ky do të jetë vendim i Kuvendit të Kosovës, pra, çfarëdo që vendosin ata sigurisht që nuk do të kundërshtohet nga ne Kosovarët.” Ishte ora 8 e 30 e mëngjesit. Në orën 16 e 30 më erdhi vendimi në tavolinë ku informohesha për shkëputjen e njëanshme të kontratës nga punëdhënësi.

(më tepër…)

Read Full Post »

Ndër të gjitha sfidat me të cilat përballet Kosova, por edhe komuniteti ndërkombëtar, pas pavarësisë, ndoshta më e mprehta është gjendja e pakicave. Ndërsa plani Ahtisaari i garanton të drejtat e tyre, zbatimi mbetet kyçi i suksesit. Pikërisht këto probeme ishin në qendër të një seance të Komisionit amerikan për Sigurimin dhe Bashkëpunimin në Evropë, ose komisioni i Helsinkit. Komisioni kishte ftuar për të dëshmuar të martën Komisionerin e Lartë të OSBE-së për të drejtat e pakicave, Knut Vollebaek.

Që gjendja e pakicave në Kosovë ka nevojë për përmirësime të thella, për këtë thuajse të gjithë janë dakord.

“Diskriminimi, mungesa e lirisë së lëvizjes, vështirësitë ekonomike dhe rreziku për dhunë, janë të gjitha pjesë të jetës së përditshme për disa komunitete në Kosovë”.

(më tepër…)

Read Full Post »

Në raportin vjetor të kësaj organizate thuhet mes tjerash se Misioni i Kombeve të Bashkuara ka dështuar të kompensojë personat të drejtat e të cilëve shkelen nga pjesëtarë të komunitetit ndërkombëtar. Organizata i ka cilësuar ta paligjshme vrasjet e dy shqiptarëve të rinj në protestën e 10 shkurtit të vitit të kaluar të Lëvizjes Vetëvendosja dhe vë theksin edhe mbi ndershmërinë në procesin gjyqësor që është zhvilluar kundër udhëheqësit të kësaj lëvizjeje Albin Kurti. Organizata thotë se, prokuroria ishte e politizuar dhe se procedurat që janë zhvilluar përpara një trupi ndërkombëtar të gjykatësve me mungesë të pavarësisë gjyqësore.
(më tepër…)

Read Full Post »

Gazeta Rilindja Demokratike ka vizituar familjen e Entela H. që vdiq së bashku me pronarin e Top Media, Dritan Hoxha, në një aksident automobilistik javën e kaluar. Sipas nënës së Entelës edhe pse vajza e saj kishte punuar për Top Albania Radio dhe Top Channel për më se dhjetë vite, të pakt ishin ata gazetar nga këto mediume që zgjodhën të ngushëllonin familjen e ish-koleges së tyre. Në fakt sipas familjarëve vetëm Arbana Osmani ka vizituar familjen dhe shprehur ngushëllime për vdekjen e Entelës.

Partia Demokratike e Shqipërisë ka lëshuar një komunikatë për shtyp ku mes tjerash shkruan:

Mëngjesin e datës 23 Maj 2008, vdiqën në një aksident presidenti i “Top Medias”, Dritan Hoxha, dhe punonjësja e “Top Medias”, 28-vjeçarja Entela H. Kryetari i Partisë Demokratike të Shqipërisë u shprehu të dy familjeve ngushëllimet më të sinqerta dhe solidaritetin njerëzor më të lartë. Sërish, Partia Demokratike u shpreh familjeve të të dy viktimave ngushëllimet më të thella. Sipas John Dane, vdekja e çdo njeriu të pakëson, sepse i përket njerëzimit.

(më tepër…)

Read Full Post »

Marjeta Zaçe, Zëvendësministre e Punës, Çështjeve sociale dhe Shanseve të barabarta të dielën që e lam pas ngushëlloi familjen e vajzës 28-vjeçare që humbi jetën së bashku me drejtorin e Top Media, Dritan Hoxha, në një aksident automobilistik në sheshin Bajram Curri në Tiranë.

Marjeta Zaçe i tha Televizionit Shqiptar (TVSH):

Ne çdo ditë luftojmë për të qenë një shoqëri e lirë dhe e hapur dhe nuk jemi një shoqëri me askënd. Vlerësojmë jetën e çdo individi, pavarësisht nga gjinia. Kjo është një humbje e madhe tragjike dhe padyshim edhe ne na vjen keq dhe duam që ajo të vlerësohet si çdo individ tjetër që jeton në ketë shoqëri. Një humbje e madhe, një humbje e madhe tragjike për çdo prind që do të humbte fëmijën në këtë moshë.

Molla e Kuqe

Read Full Post »

Në mbledhjen e mbajtur më 8 maj, Komuna e Vushtrrisë me shumicë votash i ka thënë po miratimit të vënies në përdorim zyrtarë të gjuhës turke edhe në qytetin e Vushtrrisë. Në mbledhjen e mbajtur dje në Kuvendin Komunal të Vushtrrisë, përveç udhëheqjes komunale, kanë qenë të pranishëm edhe përfaqësues të turqve të Vushtrrisë si dhe Mustafa Sarniç, shefi i Zyrës Turke në Kosovë, i cili e ka përshëndetur Komunën e Vushtrrisë për këtë miratim të kësaj gjuhe edhe në Vushtrri. Do theksuar edhe këtë se minoriteti turk në Vushtrri është i vendosur kryesisht në qendër të Vushtrrisë dhe janë komuniteti i vetëm minoritar që lirisht flasin dhe qarkullojnë pa asnjë problem.

(më tepër…)

Read Full Post »

Pas shumë mjegulle që ditët e fundit kishte mbështjellur realitetin politik të Kosovës, më në fund u bë e qartë se po përgatitet të ndodh ajo për të cilën ne e kemi paralajmëruar herët dhe vazhdimisht: më 11 maj zgjedhjet parlamentare dhe ato lokale të Serbisë do të mbahen në Kosovë.

Më 11 maj Serbia serbëve të Kosovës do t’u ofrojë dy mundësi: ngritjen e strukturave paralele politike në nivel lokal, e të cilat nuk do ta njohin pushtetin lokal në Kosovë; si dhe mundësinë e përfaqësimit të serbëve të Kosovës në parlamentin e Serbisë, e jo në atë të Kosovës. Kjo strategji e çintegron Kosovën tutje si në nivelin lokal, po aq edhe në atë qendror. Në nivelin komunal i izolon serbët edhe më shumë, duke e rritur lojalitetin e tyre ndaj strukturave paralele të Serbisë, kurse në nivelin qendror e thellon edhe më tej largimin e përfaqësimit të serbëve të Kosovës në parlamentin dhe institucionet e Kosovës.

Prandaj, hapi i dytë serioz i cungimit të sovranitetit të Kosovës, pas okupimit të veriut të Kosovës nga Serbia, është mbajtja e zgjedhjeve të Serbisë në Kosovë. Ata që na njohin seriozisht kërkojnë hapa serioz nga ne. Departamenti Amerikan i Shtetit bëri të ditur që zgjedhjet e shtetit të Serbisë nuk duhet të mbahen në Kosovë. Të njëjtën e pat deklaruar edhe Ministri i Jashtëm Gjerman (Frank-Walter Steinmeier). Kurse disa të tjerë si Komisioneri për Zgjerim i BE-së, Olli Rehn, duke cituar Planin e Ahtisaarit, ia mbajti ison Serbisë, duke i arsyetuar zgjedhjet nëpërmjet dyshtetësisë, dhe ky duket të jetë edhe qëndrimi i turpshëm i qeverisë së Kosovës. Por nëse vetë bashkësia ndërkombëtare është e paunifikuar mbi këtë çështje, ne duhet të kemi qëndrim pa ekuivoke: kategorikisht kundër mbajtjes së zgjedhjeve të Serbisë në Kosovë.

Lëvizja VETËVENDOSJE!, më 9 maj 2008, organizon demonstratë gjithëpopullore kundër mbajtjes së zgjedhjeve të Serbisë në Kosovë. Kosova është tepër e çmuar për t’ua lënë në dorë këtyre politikanëve, të cilët 9 vjet më parë firmosën një dokument që parashihte deputetë të Kosovës në parlamentin e Serbisë.

Lëvizja Vetëvendosje

Read Full Post »

Hajdin Islami, profesor dhe gazetar nga Vushtrria

Edhe komuna e Vushtrrisë si shumë pjesë të tjera të Kosovës doli nga lufta me dëme të shumta njerëzore dhe materiale.

Pas luftës detyrim kryesor ishte sanimi dhe zbutja e këtyre pasojave të mëdha. Mirëpo falë angazhimit të Institucioneve komunale të Vushtrrisë u arritën rezultate të konsiderueshme në të gjitha aspektet çoftë në ndërtim të objekteve të banimit, infrastrukturës rrugore, shkollore,rrjetit elektrik etj.

E gjithë kjo punë e madhe u bë falë edhe një menaxhimi dhe angazhimi të mirëfilltë të Kryetarit të atëhershëm të Komunës së Vushtrrisë z. Muharrem Shabani, i cili ka pasur një rolë të rëndësishëm në gjetjen e donatorëve të ndryshëm në ndërtimin e shumë objekteve të interesit publik në Komunën e Vushtrrisë gjë që edhe ndryshuan pozitivisht kushtet e jetesës së qytetarëve.

(më tepër…)

Read Full Post »

I shumëkërkuari, Enver Sekiraqa, që dyshohet se ka lidhje me vrasjen e policit Triumf Riza, sipas gazetës Koha Ditore është parë duke pirë kafe në Mitrovicën veriore, pjesën e qytetit të Mitrovicës që dominohet nga serbët dhe kontrollohet nga banda serbe të financuara nga qerveria e Serbisë.

Madje Sekiraqa ishte i shoqëruar nga shumë serb, disa nga këta pjesëtar të Shërbimit Policor të Kosovës.

Triumf Riza që ishte pjesëtar i një njësiti special të SHPK-së, u vra me 30 gusht të vitit të kaluar në qendër të Prishtinës. Autor i vrasjes ishte Arben Berisha, por policia dhe të afërmit e Triumfit besojnë se vrasja ishte e porositur nga Enver Sekiraqa.

Në vitin 2006 në një nga kasinot e Prishtinës kishte një përleshje midis Rizës dhe Sekiraqës gjoja për shkak të këngëtares Adelina Ismajli. Pas kësaj Riza mbijetoj disa atentate deri kur u vra me 30 gusht të vitit 2007. Menjëherë pas vrasjes së Rizës policia bastisi kafenë ”Sekiraqa” në Prishtinë, pronë e Enver Sekiraqës dhe familjes së tij. Gjatë kësaj dite pati edhe bastisje të shtëpive të Enver Sekiraqës dhe me këtë rast u arrestuan babai dhe vëllai i Sekiraqës.

Në ditët pas vrasjes Sekiraqa nuk u shpall i kërkuar por policia e Kosovës ishte e interesuar që të intervistonte Sekiraqën por ai nuk ju përgjigj kërkesave të policisë.

Disa muaj më vonë u lëshua një urdhërarrest gjyqësor por policia e Kosovës ende nuk ka arritur të arrestoj Sekiraqën.

Read Full Post »

Sot lexova tek RTK-ja se biletat e autobusit për udhëtime brenda Prishtinës prej sot kushtojnë 40 eurocent. Çmimi deri më tani ishte 30 cent.  Qytetarët me të drejtë ankohen se rritja e çmimit do të rëndojë edhe më shumë buxhetin e tyre kurse zyrtarët (nuk shkruan se cilët, por me siguri ata komunal) përgjigjen se rritja është simbolike. Unë nuk e di se si e definojnë fjalën simbolike këta zyrtar por një rritje e çmimit prej 33,3 % pa marrë parasysh të ardhurat nuk mund të konsiderohet simbolike, posaçërisht në një vend të varfër si Kosova.

Molla e Kuqe

Read Full Post »

Kam zgjedhur të përdor vetëm inicialet e emrit të personit në fjalë pasi që ky artikull është/ mund të bëhet barrë për atë dhe rrethin e tij (Molla e Kuqe)

B. S. (31) nga një fshat i Vushtrrisë, ka marrë vendimin përfundimtar. Ai ka vendosur të shesë njërën nga veshkat e tij. B. S. beson se nuk ka më asnjë rrugë tjetër për të shpëtuar nga gjendja e vështirë ekonomike, në të cilën ndodhet familja e tij.

“Këtë e kam vendosur. Nuk është e lehtë. Ai që ofron 160 mijë euro, duke përfshirë edhe shpenzimet mjekësore, e ka të sigurt veshkën time”, thotë B. S. për Express.

Ai, gruaja e tij dhe vajza E. S., 15-muajshe, jetojnë si të mundën. Tash kanë dy javë që janë vendosur në Prishtinë, në lagjen “Kolovicë”, në një shtëpi të vjetër njëdhomëshe.

(më tepër…)

Read Full Post »

Rreth 1100 qytetarë të Kosovës janë të përfshirë në një projekt për punësimi i cili është duke u realizuar nga programi për zhvillim i Kombeve të Bashkuara.

Tetëdhjetë veta janë përfshirë në këtë projekt edhe në komunën e Suharekës në jug perëndim të Prishtinës, 50 për qind prej tyre janë të gjinisë femërore, Merita Isufi përfaqësuese e Programit për Zhvillim të Kombeve të bashkuara thotë se qëllimi i tyre është që të sigurohen se personat e përfshirë në projekt janë duke përfituar përvojat e duhura dhe të mos jenë më në listën e punë kërkuesve. Kemi një përfshirje edhe të pakicave me rreth 18 për qind, thotë ajo duke nënvizuar se projekti nuk është i përqendruar vetëm në një vend por në tërë Kosovën.

(më tepër…)

Read Full Post »

Older Posts »