Feeds:
Postime
Komente

Posts Tagged ‘Menduh Thaçi’

“Dalja e PDSH-së nga Qeveria është çështje orësh dhe kjo është punë e kryer. Unë sonte do të dal me propozim para kryesisë qendrore dhe besoj se propozimi im për dalje nga Qeveria do të pranohet”, deklaroi të mërkurën kryetari i PDSH-së, Menduh Thaçi pas takimit një orësh që pati me përfaqësues të ambasadës amerikane në Shkup.

Arsyet për daljen e PDSH-së nga Qeveria janë gjashtë kërkesat e Thaçit të cilat kryeministri Nikolla Gruevski i ka refuzuar. “Heshtja e kryeministrit nënkupton se ai nuk ka ndërmend që t’i pranojë kërkesat tona”, potencoi Thaçi. Sipas tij, në institucionet qeveritare vërehet një joseriozitet i funksionimit të tyre në këto momente të rëndësishme dhe historike për Maqedoninë. “Unë dhe partia ime nuk do të dëshironim që ne të jemi pjesë e kësaj qeverie. Kam bindjen e thellë se organet e partisë do ta mbështesin këtë qëndrim”, u shpreh kreu i PDSH-së.

(më tepër…)

Reklama

Read Full Post »