Fitorja e Tadiqit nuk është pozitive për Kosovën – Projekti i ndarjes do të vazhdoi

Analisti britanik për çështje të Ballkanit, Tim Judah nuk mendon se zgjedhjet në Serbi do të kenë ndonjë domethënie për Kosovën.

“Tadiq dhe aleatët e tij janë pothuajse tërësisht kundër pavarësisë së Kosovës. Mendoj se do të vazhdojnë rrugën e tyre për të konsoliduar kontrollin e Qeverisë së Serbisë brenda Kosovës, prandaj nuk mendoj se këto zgjedhje do të kenë ndonjë rëndësi në Kosovë”, ka thënë Judah.

Në një intervistë për Radion Evropa e Lirë, Judah ka thënë se ato kanë më shumë domethënie për atë se çfarë do të ndodhë në Serbi, por jo edhe në Kosovë. Ai ka theksuar se një pjesë e madhe e zhvillimeve aktuale politike, sikur që është formimi i parlamentit serb në Kosovë, burojnë nga ndasitë politike në Serbi. Ndërkohë duke folur rreth misionit të Kombeve të Bashkuara dhe atij të Bashkimit Evropian, Judah ka thënë se çfarëdo që Bashkimi Evropian të thotë, jemi duke ecur drejt situatës në të cilën ndikimi i Bashkimit Evropian do të dominojë në pjesët e banuara me shqiptarë, kurse Kombet e Bashkuara do të vazhdojnë të dominojnë në pjesët e banuara me serbë. Mendoj se ky proces në fund sërish do të varet nga formimi i qeverisë në Serbi, ka thënë Tim Judah.

Tadic shumë herë në fjalimet e tij ka përsëritur mesazhin nacionalist se Kosova gjithëmon do të jetë pjesë e Serbisë.

Read Full Post »

Pjesmarrje e vogël e shqiptarëve të Luginës së Preshevës në zgjedhjet serbe

Pjesemarrje e ulet ne zgjedhjet lokale dhe te pergjithshme qe po zhvillohen ne Luginen e Presheves, zone me shumice shqiptare ne Serbi.

Deri ne keto momente ne kutite e votimit jane drejtuar 30 perqind e votuesve, ndersa per zgjedhjet parlamentare pjesemarrja ka qene edhe me e ulet.

Zgjedhjet ne kete rajon po zhvillohen te qeta dhe pa probleme.

Read Full Post »

Shtypi amerikan: Pavendosmëria e BE-së ndihmon nacionalistët serbë

Shtypi amerikan dhe analistë të zhvillimeve në Ballkan dhe Serbi i vlerësojnë zgjedhjet e sotme serbe si një test për orientimin e vetë Serbisë ndaj Evropës, si dhe rolin e pavendosur të Evropës karshi Kosovës dhe Serbisë. Dështimi i BE-së për një politikë unike ndaj Kosovës dhe Serbisë, qoftë në të kaluarën, qoftë tani, i ka kontribuar ngritjes së nacionalistëve serbë.

Për zgjedhjet në Serbi thuhet se gjuha e përdorur dhe pozat e marra nga garuesit për pushtet kanë elemente të taktikës së frikës me qëllim të ruajtjes së pushtetit që më tepër i ngjajnë metodave të ish diktatorit Millosheviq.

Në këtë kuadër partia e Koshtunicës me qëllim të mobilizimit të mbështetjes po ngrit tensionet si në Serbi ashtu edhe në Kosovë, duke i vënë votuesit para zgjedhjes : do të jenë tradhtarë apo patriotë.

Read Full Post »